今日本來係lo+約左我地走去買衫既.....

點知條友電話又冇個,去度又唔見佢....

最後就得番我同老大,之後就叫左jeff出黎,

其實仲有叫其他人,李寧話佢唔得閒,

張嘉豪仲勁,理由都癈事自己講,叫埋佢細路同佢講,

原因係要玩psp所以佢唔出黎........(咁都得......)

唉.......如果我係一個御宅族.......,咁佢地就係隱閉青年........

我同老大同jeff走左去睇忍者雞,本來都唔多睇好lee套野,

想睇羔羊前傳,但係要9:30pm先至有一場,睇鬼....

戇豆放大假又未上映,真係煩既..........

睇完忍者龜比我既感覺係,麻麻地.......對白唔算好笑,劇情太漫畫公式化,

相比於以前真人版既版本,雖然真人版做得較樣衰(十多年前既作品呀),但係就好笑好多,

所以我愛真人版多過lee套3D動畫版(真人版既四隻龜係香港武師扮既!!!!)

最後行多一陣,係屯市經過一間甜品店,買左個士多啤梨泡夫,

$13個呀!!!!不過我控制唔到自己,因為實在太愛甜食,貴一貴都值~~~~