今日係第一日返學但有D唔係好想返學既感覺......

一早七點就起左身~

跟住七點半就出左門口啦~

同師楠佢一齊返~

去到地鐵站......

原來阿J佢已經等左好耐.......真係唔好意思呀!!!!

返到學校....唔知點解好掛住一個人.....

唉...算啦.....

上到課室.....

見到個班主任...D同學....課室所有野.....

就攪到我更加唔想返學啦......

不過都俾我堅持到去放學.....

希望下個星期再唔會有呢D不安既感覺!!!

晏晝返到屋企....食完飯....

同我家姐佢去左圖書館.....

講真呀...好耐冇同佢去街啦....

可能平時掛住玩電腦....

所以都唔知話今日電腦壞左係好事定壞事~

我地去完圖書館就係度行街~

買左好多野......

五點返左屋企~

六點我大家姐又返左黎食飯.....

好開心....

仲之好攪笑啦.....笑死....

今日係暑假最後的一日~

突然有d唔係好想返學~

唉.......

唔講呢d..講返今日呀....

講真呀......

今日都冇咩特別野呀.....

唔係睇電視就係度睇書~

果兩本英文書都差唔多睇哂~

ok啦.....都算係岩我睇.....

晏晝我家姐叫我去旺角買袋......

依家有少少後悔冇去到.....

算啦....唉.....

就等我幫2006年的暑假作個總結啦!!!!

今年暑假有一個月都可以話過得好開心~

但過得好不切實際lor~

得過"玩"字......

算啦....

可能呢個暑假係最後一年可以過得咁開心.....

黎緊既我就要面對好多野......

唯有希望自己可以勇敢面對所有野啦!!!!!!!

今日一早俾我阿爸叫醒左~

本身我仲以為今日要返學~

過左一陣.....

佢叫我落去茶樓搵位~

我先慢慢醒起今日係......

我細妹同舅父的生日~

跟住我咪同我細妹落去搵位~

搵左位坐左一陣......

出去搵野食......哈哈

俾我搵左好多野食返黎~

食食下....

舅父同我媽媽佢地一齊黎左~

攪到我好似好衰咁----唔等佢地黎先食~

但我真係好肚餓呀ma.......哈哈~

食呀食.....食呀食.....

食左足足三個鐘~

盛惠117.5元正~

跟住返左自己屋企~

過左一陣......

我去睇醫生~

係因為咁既.....都係唔講啦~

個醫生我由細到大都覺得佢好攪笑.....

點知....今次仲攪笑.....

佢問我讀咩科我話唔知....

佢叫我讀醫科....話我好岩做醫生.....

(省略下面百千幾句讚我的說話)

跟住我等左一陣就走左~

返到屋企見到一個好靚的生日蛋糕~

真係好靚嫁~

過左一陣....

我地帶埋個生日蛋糕去我舅父屋企~

玩到三點先走~

返到屋企玩電腦~

今日真係好多得"愛麗斯夢遊仙境"係度陪住我~

咪我真係悶死呀~