今日5點半起左身，之後7點半就返學囉，返到去就上左圖書館(講真雖然我地間中學話自己果個圖書館幾好幾靚，但係我......一d都唔覺e個圖書館有幾好有幾靚囉，我覺得最好既圖書館都係我既小學蒙記果個圖書館！)之後8點的預備鐘響左囉，就落左去操場上早會啦，之後8點15分度就F.1至F.3就去左禮堂上週會，今次週會好悶，因為今次係睇中三既聯科專題研習，開頭真係唔知聯科專題研習，但係佢地講講下我就知啦，原來係history+geog+經公三科一齊做既專題研習，之後上完週會後就上返課室上堂，之後都係咁，放lunch既前一堂就係maths堂，老師又冇返呀，連續兩日啦，我地d進度已經好慢啦，咁就冇左兩堂maths堂啦，之後放lunch又返左屋企食，今日食壽司呀，之後又返學，閱讀堂，之後就係連堂(生命教育科)好悶呀，個個一度聽一度訓覺，我都差小小就訓左，好彩到最後都係冇訓過，但係佢講ｄ野又真係好無聊，之後就放學，放左學又留響學校(學兄學姊)，留度5點我就走左囉，返到屋企都好似係5點10分咋，之後都係咁上下~
|
