好耐無打過日記啦~
都好似有成年咁耐呀....唔知依家先打番會唔會太遲呢....
係呢年入面其實我都遇到好多好多唔同ge事有開心唔開心~而係暑假( 即係最近)我就玩左好多野....
去左食自助餐....去油麻地補eng......好多好多.....都幾開心ge...不過我覺得我始終無改善，
都係成日掛住玩，又無自覺性，做野又唔積極...我真係好想改變自己呀...
今日我去左學琴呀......miss話我d拍子唔準....又無感情.....
其實....呢d都係我好大ge問題,,,但係好多時都唔知點先做得好...呢個係我ge籍口...我其實知嫁...
我無放到個心落去又無比心機，細心去聽下首歌，做咩都求求其其......
其實我係唔係咁鍾意彈琴呢？我唔知道.....我唔特別鍾意但又唔討厭.....
我當初真係好想學....原因...我只係記得，見到人地彈琴覺得好好聽好想好似佢地咁.....
但係我終於可以學啦...又開始發現學琴唔係好似我想像中咁....就開始唔想學...但係點解我依家仲學緊呢？我都唔知點解....
其實我記得f.1 ge時候我彈琴果陣都幾開心ge....不過依家問我ge話我唔知....一時時....就好似我做人一樣...
其實我都學左9,10年....我又唔係特別討厭音樂.....
其實我都學左咁耐我唔想放棄啦....記然我當初選擇左學落去.....咁我依家只無得一條路可以行....學落去...
我要比心機~呢個係我ge決定我要有恆心.....
miss講:無進步就無意義....呢句好岩...我要記住....
| 
重新開始...... 
