今日係中秋節, 祝各位中秋節快樂!
本應今日開開心心等收工去賞月過中秋, 9點幾坐係公司遊緊魂, 唔知做緊咩@@
突然收到個晴天霹靂O既消息, 原來我上司過左身><收到呢個消息, 個人都呆哂, 來唔切做D咩反應, 真係好突然好突然, 喊都喊唔出, 從來都冇估到會發生呢D事, 尋日仲見佢好地地, 點解一夜之間可以突然走左........
佢身體之前已經好差, 有哮喘病, 睇左好多次醫生, 好返D之後又差返, 上個禮拜仲入左醫院, 入左幾日出左院都好返好多架, 點解?點解?點解突然會走?????我真係唔明白......
佢生前大家一齊做野, 佢對我好好, 我都視佢為1個好上司, 佢真係好照顧佢D下屬, 我好鍾意同佢一齊做野, 佢會處處關心佢身邊每一個人, 而家呢一刻我寫呢篇日記既時候, 我覺得呢個消息好似唔係真咁, 諗緊呢個人係咪放緊大假, 定辭職唔做呀?所有野都唔真實咁........
人係咪真係咁化學, 定係真係所有野都整定?上天安排好哂?不斷諗老細你去得安樂嗎?有冇帶走埋D唔開心O既野?不斷諗............
好擔心佢屋企人會點, 2個仔仲好細, 佢老婆會5會頂得住?好希望佢地可以堅強去面對, 我知道未必係一件容易O既事, 但我都衷心祝福佢地!
|
