開心o既時間過得真快~ 去左2日1夜長隆超級, 極度, 非常, 十分, 好好好好好好玩o既歡樂世界同埋水上世界o既旅程, 我同dada玩到忘哂形, 真係好好好玩架, 你地有機會真係點都去一次!
第一日朝早8點集合, 好喇, 人齊喇, 出發~坐左2個鐘頭車, 第一時間梗係醫肚先啦~ (個肚打鼓, 係車度不停訓, 驚去到冇精神玩, 咁鬼早起身>w<) 食飽野, 進攻歡樂世界, 首先玩左d冇咁刺激o既先, 怕會嘔, 熱完身, 開始d緊張又刺激o既機動喇~~~~
驚險度 (5 最高)
1. U型滑板 (U型跑度, 仲要好似海盜船咁左右擺, 加上360度轉, 又驚又暈@@)
2. 十環過山車 (十個環, 又係轉到頭都暈, 加上有好高O既鈄度, 衝落去果下離心力強, 仲有幾個好密O既圈, 轉之餘離心力都勁)
3. 摩托過山車 (一D都唔驚, 不過就好好玩, 有速度感, 加上造型都好有FEEL, 似係度騎電單車架!)
4. 碰碰車 (好慢架D車, 不過志在一班人你撞下我, 我撞下你, 都OK啦!)
5. 動感影院 (唔驚O既, 有3粒星係因為你會有驚喜架入到去!)
6. 迴轉木馬 (又係唔驚O既, 不過我由細到大都鐘意坐, 又浪漫, 又靚, 一路轉仲有泡泡嘖出黎, 個FEEL好好!)
............仲有D唔記得LU.....................你地自己記住去感受下啦!
玩左大半日, 其實都係3-4 鐘度, 已經開始攰, 又係去醫肚時候, 食飽飽去睇精彩馬戲!
馬戲絕對好評有, D人O既表演有高難度, 有合家歡, 有柔和, 真係好精彩, D動物都好叻, 又聽話, 最鐘意熊熊, 佢地好可愛好得意架, 講你地唔明佢有幾可愛, 真係要親身感受, 不過諗起佢地訓練成日比人打, 好可憐><如果因為為左賺錢而打佢地, 我願意唔睇架><不過得我一個力量應該冇可能.....
聽日再講埋水上世界有咩好玩啦!
|
