由細到大我自己都覺得朋友係好重要, 因為當你唔開心, 當你傷心, 當你有問題, 當你開心, 當你幸福, 當你笑, 當你成功, 當你拍拖, 當你分手, 當你冷戰的時候, 其實往往最係你身邊的都係佢地, 因為佢地真係會同你分擔, 分享, 但有的係酒肉朋友, 有的係知心朋友, 係咩都可以講到, 就係你有幾多野都好, 佢地都真係會一一同你分擔, 分享, 所以朋友對我黎講都真係好重要!  再加上我真係幾怕自己一個人, 不過衣家都好左啦, 因為我搵到自己想做的野, 可以睇下碟, 彈下琴, 睇下小說, 訓下覺, 番大陸揼骨.....

尋日都真係一個開心的日子黎架, 點解, 因為都左班朋友仔出黎唱k呀, 係尖咀neway 呀, 有maggie, heidi, yuki, yan yan, winnie, 最衰賢仔要開會啦, 唔係都真係可以一齊玩呀! 其實尋晚的感覺係, 我有開心有唔開心架, 點解, 開心係可以我地咁耐冇見咁多個人都一齊約到出黎, 唔開心的係其實大家做左野, 或者拍左拖之後成個人都唔同哂, 唸的野都真係好唔同, 做的野都唔同, 有的人做文職啦, 有的就做sales, 有的就休息中, 其實各人都有自己的野做, 都係一份好事, 不過我就快冇野做啦, 仲未搵到工呀, 我又辭左職lu....做野都真係唔易呀, 我覺得都真係好多學問, 可能我個人比較蠢啦, 唔係一點就明, 唔係一做就識, 亦都真係唔係特別叻女, 不過如果要做我係好勤力囉, 我都知道呢個世界係唔公平架, 因為做到野的人都唔會比人器重, 特別擦鞋的人就會比人器重囉, 都真係幾搞笑!  朋友, 我地係咪真係可以長久呢? 你地當中我又真係可以同你地維繫到幾時呢? 我都唔知呀, 因為..........我唔想同你地識左咁多年之後做好表面的朋友, 見到面都只係......... 或者你地都有另一半都冇時間理會, 因為我變得一個好似成日都好唔開心的一個人咁, 好自閉, 有時仲會覺得自己冇咩朋友, 因為可能我搵你地你地都真係好忙, 冇時間理會咁多野, 其實工作都只係生活的一部份, 但可能係地都冇多餘時間去傾計.......... anyway, 尋日同你地一齊都真係好開心架, 我真係好開心架, 多謝你地呀! 就算你地變左點, 我都會當你地係我一輩子的朋友, 因為我愛你們, 我願意同你地一同分享喜怒哀樂!~

maggie 就快唔會係藍地住啦, 因為佢要搬佢上水呀, 好掛住佢添......因為當我有好唔開心的野的時候, 我係可以同佢講架, 係可以搵佢出黎傾計架, 兩個人哩! 感覺都真係好好, 多謝maggie 你係我最唔開心的時候, 聽我講我的野, 借個膊頭比我呀, 我愛你, 好開心有你呢個朋友, 我都冇唸過同你傾計會傾到喊架, 都真係好多謝你呀!

我知道有好多野都真係唔可以好似以前咁, 因為都已經唔同哂, 但我都會記住我地美好的一面, 會就住大家開心的時刻, 因為你地係我心目中都佔一個好重要的位置, 最佳的位置就全留比你地呀!~