我地中一今日要東龍島考察。點知今日落大雨，D泥又濕滑，又鬆散，搞到我對鞋全部都係濕泥，就黎要報銷啦﹗不過我地中一全級無一幸免，有D仲搞到成條褲都係。我地克服重重困難︰滿途荊棘，一路濕泥同埋風雨同路，我地就黎放棄，不過我地堅持一直上，終於上到東龍島既名勝奇觀—飛來石，佢真係好宏偉啊﹗雖然上面好凍，但係我覺得好有滿足感，因為我成功攀上個座山。不過我阿媽就慘LA，BECAUSE佢要幫我洗鞋，我真係覺得好唔好意思呀﹗

我仲影左好多相，想睇就記住留意我個BLOG啦﹗﹗﹗大家見唔見到我呀﹗﹖

 今日終於能夠渡過艱難LA，BUT今日學校冇喱頭叫我地中一去沙田馬場睇馬仔，搞到冇得早放。我本應諗住考試最後一日可以早D番屋企打機家媽。不過去到之後，我以為可以親身騎馬仔，點知去到只係o係到睇展板，無聊到嘔泡。不過仲有一絲希望，我地可以親身同馬仔接觸，佢地Ｄ毛真係好柔軟。我地走個陣時，我諗住搭港鐵番去大埔，因為今日有係星期三，有馬跑，點知老師唔畀我申請，佢話所有學生一律要番去學校解散，勁衰格囉﹗

不過聽日仲正，我地去東龍島。想知後事如何，請看下回分解。

 真係好慘呀呀呀﹗我真係自打咀巴啦，今日先試過我講方法黎做，點知係唔WORK嫁，我諗我今次數學考試都係唔合格。我真係覺得好對唔住對我仆心仆命既人，例如我老師同MY DEAR MOTHER，我覺得有D 後悔呀﹗請係原諒我啦﹗真係好慘呀﹗依家我唯有希望其他科目可以大步攬過﹗

 我終於能夠安全渡過這個災難，這個災難係咩﹖有睇我上一篇既BLOG一定會知。至於聽日，我將要面臨非常複雜既數學，不過對我黎講，緊係EASY JOB啦。唔好話我話，做數最緊要係三件事，就係專心､專心同專心，專心睇個條題目問咩，就一定SURE WIN。我會充滿信心，全力以付，做到最好﹗一定唔會衰畀你地班人睇﹗﹗

希望我會覺得滿意啦﹗

 聽日就係考SCIENCE既日子，所以今日溫書溫到死死下，真係好慘AR﹗science考試範圍由第2課開始考，考到第4課。每課有5大章節。唯有用寫blog黎發洩la，because NDS Lite又冇野玩，TV又冇野睇。唔講ＬＡ，我依家又要去受酷刑ｌａ（即係又要溫ＳＣＩＥＮＣＥ）。ＨＥＬＰ　ＭＥ！！！