今日都唔算早起身...起左身之後食個午飯,,之後玩左一陣電腦,,就出去搵下野做...阿媽係咁吵話日日都o係屋企游手好閒...點會係呀...

先剪個髮~今次十分ok~覺得幾好~個師傅話多啦個樣加髮型似小朋友...阿媽就話多啦唔帶眼鏡個樣好大個...到底邊個講先係真...多啦照鏡就覺得自 己似小肥~多啦鐘意佢D歌~之後坐巴士出去,,講起左好多野...原來多啦之前都幾浪費金錢...因為有D野買左先知道自己唔適合...好似隱形眼鏡 咁...佩完之後俾Dicky三兄弟佢地強迫性佩帶...不過因為太痛所以失敗左...

去左見一份工...如果ok的話就會一個星期內通 知~一路等表哥的Starbucks,,一邊做住其他野先~哈哈~之後過左新城市銀行搞返張銀行卡,,之後就行左一陣...慢慢行去聖心度考試,,o係慢 慢行E段路,,多啦諗左好多野,,諗到曾經同過去的事,,自己的踢法有咩地方可以再改變,,雖然係攞左最佳進步...但係同時阿健同斌仔都有攞,,姐係代 表人人都進步緊,,唔只係自己...自己...想做突圍果一個...想可以令隊友放心...好想...好想...

多啦只係叻在遠射...傳波...同斬波...都係一D好唔起眼的野...唔似家浩咁...可以射門...唔似阿健咁...可以扭人...更唔似斌仔咁...可以有用唔完的氣力...只係...多啦真係想...可以有一日令隊友唔再擔心後場...

今 日考中文說話...一開始就分左落藍組...朗讀完...就開始小組討論...三男三女...ok啦...多啦一直都忍住...多啦身邊果個係咁離 題...多啦係咁幫佢...佢又要離題...你想點呀...大佬...之後D女仔又唔講野...有講小小囉...之後又俾人串到無野講...五對一... 仲要怕D咩??唉...

之後返屋企....打俾阿妹,,聽到佢喊...唔好唔開心啦..嘉惠~其實根本唔係妳的錯,,點解妳要覺得自己係 做錯果個??唔通人地講咩都值得妳介意嗎??妳自己一開始都係覺得小問題,,E家到妳俾人動搖左,,E個唔係平時的妳,,平時的妳,,咩都會有一個好抱打 不平的心,,唔會放棄,,但係點解妳要因為咁而唔開心???阿哥會一路支持妳架!!