23/8
今日係騎士的大日子,,第一次友賽~結果係我地嬴左5-2~好開心呀~第一次友賽就嬴左啦~入波來自 : 三球,,家浩  一球,,嘉賢  一球對方烏龍球,,我方失球  一個烏龍球,,一個唔記得....

個個都有好唔錯的表現~特別係家浩~大家要加油~第一次俾人話有進步~好開心~哈哈~

踢完波之後我,,樂樂,,阿豪,,斌仔,,家浩一齊去左食飯~一路食一路睇電視~正呀~~

24/8
今日同Chris,,波士一齊去左電腦展,,都唔算太迫....D野都ok啦~見到嘉儀~之後行行行,,係
咁俾人踢腳~痛到死...

之後去左波士屋企打PS3,,正~

之後夜晚返到屋企...係咁約友賽....攰.....

今日訓到好晏...唔知做咩發左個惡夢....但係完全係醒唔到...超得人驚...

唉,,,,等左好內先有飯食....之後就出左去補習...補左一陣就ko左~收到蔡Dee電話,,出MK陪佢~等左成個鐘車....咩車黎架....小巴又無....巴士都無.....等左好無~

之後出到去又唔想同佢地行街...之後返屋企....今日o係MK行2條街....俾4個女仔係咁捉住黎問問卷.....

返到屋企睇電視,,之後洗澡~今日就係咁了~.

最近真係小左好多打日記....可能真係攰啦....日日都係咁出街...行街...踢波....唱K..運動....真係機械貓都死...

最近換左新電話~好開心呀~不過7日就壞左~可以換個新的~不過又要咩都重神入過....煩...

有日同偉哥佢地出左去糖水~一齊坐底又係咁開心的時光~同偉哥佢地玩永遠都係開心的時光~

最近只係不停咁做波衫D野...真係好busy....本身今日同聽日都可以做工呀...強哥介紹的~不過好可惜不能了....都唔知點解呢....不過算啦~都要先多謝強哥的~

球場上的角色愈來愈明顯了,,愈來愈知道自己的風格同要改的地方,,派牌要更加細膩,,技術都係~咁就係最好的~哈哈~

星期一做波衫~一定要影返張大合照先得~值得記底的一日~

琴日同偉哥,,C朗出左MK買野...多啦遲左出,,因為要陪屋企人,,出左去之後同佢地去左買衫,,當然自己都有睇中左幾件~遲D先買~C朗買左一條短褲同一條腰帶~不過買的過程係咁俾老闆娘話~咁又係佢自己講錯野先,,多啦同偉哥當然唔幫口啦~哈哈~

行左一陣間之後落左MK88打機,,馬機就個個都輸...之後去左玩21點~唔錯~幾正~都算係win左唔小~之後就行潮特,,好多野都係好想買,,不過當諗到係唔係自己用得著的時候,,都會放棄...

打完機之後上左朗豪坊~一上到星巴克就見到表哥...俾佢嚇親...多啦都睇唔見佢嘛...佢接女朋友放工~呵呵~真係好~

之後同偉哥去左飲杯野,,一杯柑桔檸檬都要$20....真係不如去搶.....C朗有要事做走先左,,得返我同偉哥去買龜~

買完就坐返火車返大圍~又係迫死......

返到屋企剛剛換完衫,,Chris就打黎問打唔打邊爐....多啦都正煩惱緊食咩~咁就當然答應啦~不過之後真係飲左都唔算好多....但係足夠把多啦搞到醉醉地.....講左好多心底的野...訓教果陣係咁發惡夢....個頭好痛....今次先知道...

原來醉酒醒返之後...係好辛苦的一件事.....

就係好討厭自己咁....點解我要咩都咁認真...點解要發惡夢見到妳出事.....救命呀!!!

好討厭自己點解要咁好對妳...到最後自己得到咩呀??只得傷痕一度度....關心妳到左最後咪又係一樣比當成廢物....妳出事我關心妳...妳有重視過我嗎??我只想妳曾經重視又或者係留意到我唔開心炸....但係妳都不能做到.....