今日原本係打算去天水圍睇下有冇學校會要我,但我一起身要發覺唔記得拿中7成績表,但一路找,一路找,都找唔到,之後我將間房找左一次,我記得我gradin之後果日仲見到的,但宜家真係搵唔到呀!點算呀?冇左佢我冇得check卷嫁,咁唔係代表我自動放棄咩?我真係好唔甘心,點解好似咁多阻滯咁嫁,我之後係房入面找左三次都搵唔到,我都唔知點好><好在我上次去大陸書城時買左一本書叫<<why  are you so suck?>>大約係點解你頭頭碰著點咁上下,我冇睇的話可以我真係可能都唔知點好,呢本書二十幾蚊only,好低的,想自殺的朋友仔可以問我借黎睇下。

    monkey對我真係好好,佢驚我一個人會亂諗野係咁幫我搵節目,好似同佢呀媽食茶咁,多謝你呀!我都算啦!呀jay心情仲未可以平伏下來,佢今日打俾我,佢仲好唔甘心自己中化肥,唉....真係冇計,我升唔到,又搵唔到成績表仲可憐啦!

    今日係屋企都only係咁打機,書都唔想睇,但o的game好快令我好悶,唯有係咁做運動算啦!真係唔想諗,都係怪自己冇用啦!如果冇學校要我的話我應該要自修,但真係唔想....

    唔知點解個心情個夜晚又沈重起來,一諗起何儀,april,何軒都可以升到,但我又要讀多年...點解呀?我好想知個答案,我係唔係如其他人蠢呀?係唔係比佢地懶呀?我真係好想知呀?我真係值一個E ONLY?咁我呢二年係唔係浪費左呀?