今朝又俾老豆拉左出去飲茶,我想關門的時候俾個門口撞到,撞到個手肘流血,shit!我真係覺得呢D事只會發生我身上,點解呀!

   之後番左屋企溫PHY,今日真係進度OK呀!俾心機^^之後去左陪呀JAY報補習,佢叫我唔使,但其實我都驚佢一個人唔係咁開心,因為佢上年考之前同我講過:好野!以為唔使補SIMON!但宜家佢又佢俾錢SIMON使,點都會有D唔係咁開心,唉....

       去到現代,見到一個新的補英文的MISS,真係幾靚,唔係講少,最衰個眼袋大左少少,真係勁索!

搞完D手續之後同左JAY食大拇指,佢話有考試FEEL,因為佢上年補完SIMON就會黎呢度食,唉.....我地今年一定得的!之後我地係度吹水,吹吹下,我突然諗通左一D野~~我成日同我呀哥傾計的,我有時屎忽痕的時候都會諗到一D好勁OR好特別的野,我同呀哥講的時候我唔會話我諗到XXXX,我係會講:我個同學話/我個老師講XXXX,我終於明白點解,因為我呀哥成日唔信我諗到呢一D野,搞到我話我係聽人地講,好似過濾過咁,佢先會聽的,所以呢一個都可以話係我的一個習慣,我都冇計

     我決定左補埋maths and statistic啦!邊個都唔可以笑我!我勁過你的話你地就唔會出聲