番左大陸之後,今次經福田番去,第一次經果邊番去,果面的野好新,我覺得好靚,之後坐車番去,坐左一個鐘到就番到去,真係勁快!

       一番到去就見到二叔,又見到二個死人堂弟,我知道有一日當我忍唔到的話會打x佢的,因為我一去到佢就踩我對腳,踩完又走左。冇幾耐,食飯了,三叔同二個嬸嬸都番左黎了。又餐d好肥的食物,原本佢地話出去食的,但唔知做咩又唔出去。見到隻鵝的肥膏同我差唔多的時候,老師仲係咁叫我食,二個呀叔仲問我係唔係怕羞!大佬呀!我唔係怕羞,我係覺得我唔想咁快死o者><

        食完飯之後去左婆婆度,舅父同婆婆叫左好多親戚黎番,佢地真係勁好笑!好開心呀!婆婆係咁摸我個頭,又摸我個手,搞到我仲覺得自己係一個細路仔tim^^

        之後番左去訓了。

         今日一早起左身去拜山,個山路都算ok易行的!之後再拜埋o的親戚,我諗搞左一個鐘到就走,仲食埋隻豬先走^^又肥了><誰來教我

        之後去左食飯,食完飯等部車黎,一點半到就上車了。番到屋企了,呀哥個女友今晚又黎食飯呀!behind schedule二天,就死了><

        同埋我終於明白點解每一次拜山都要燒紙屋,因為我問呀媽點解每一年都要燒,我話爺爺都訓唔哂啦!我呀媽話:咁爺爺訓唔哂可以用黎租law。