首先呢...我覺得"拍唔到拖"唔等於失敗...就正如...就算一個好靚既女仔,成日玩男仔,佢拍好多好多次拖,但係朋友都唔多個,仲有好多敵人(因為佢衰格)...咁你覺得佢算成功嗎?我唔覺得...我覺得佢好失敗...anyway...以上只不過係一個例子...咁其實我想講咩呢?我想講既係,拍拖唔係好重要...外表唔係差得好好好過份...我諗同其他人做朋友唔係一個大問題(我相信有好多人選"朋友"係唔睇樣...又唔係選女朋友...駛乜睇樣?)...但係首先就係要注意自己既言行舉止...有好多時,你做左一d令人煩厭既事,會令到你自己既人際關係好差,相反,如果你係講野所謂既"有文有路"...俾人既感覺就會好唔同...我相信好多人會因為你既"內涵"而同你做朋友...樣?無錯...我好認同,樣如果係靚,係會好容易就吸引到人主動同你傾計...但你要諗下人地係為乜?為溝你而已...講真...我身邊既朋友,無一個個樣係好突出,但係我同佢地都好fd,佢地每個人都有唔同既優點,有d音樂才華好好,有d同我有共同興趣,有d乜都唔識,但係同我岩傾...對我自己而言...拍拖根本唔代表d乜野,反而我覺友情係d個世界上先係不可缺少...你話你唔開心,或者係你太自我封閉...或者你覺得無俾人"重視"...所以諗野會好悲觀...但其實唔需要咁...樣唔好...咪由內涵開始出發...係現今社會入面...我見唔小樣靚但滿口粗口既女仔...佢地俾我既感覺係"反感+反感+反感"...反而有d樣唔突出但表現斯斯文文(唔係造作...而係真係發自內心既斯文)...俾我既感覺係好好,anyway...至於交朋友既方式,每個人都唔同,不過我個人覺得就有一樣野必需要注意...就係你要對人係真心...(我好難講得到俾你聽咩係真心...e個純係一個感覺)...另一點就係唔好過份騷擾...尤其係一d你既新朋友,佢地同你未"好熟"既時候,如果過份搵佢地,佢地會覺得你煩,唔想應你,記住第一印象係好重要,如果你每人第一印象係差...就好難令人對你改觀...所以隨時隨地都要令自己係俾人最好既一面(起碼唔好有衰野俾人講)...如果睇人成日只講人外表差定靚個d人...唔需要太介懷佢地既說話,因為個d人見識小...只睇表面...俾人話外表差唔緊要,但唔好俾人有野講你既"內涵"...希望你可以搵多d真心既朋友,我相信朋友係可以令人變得"自信"的...!