今日全日都冇俾人罵,
已經係呢個星期既第2次,
可能好多人都好易做得到,
不過對我黎講真係好難,
不過唯一美中不足既就係今日下午lunch既時候啦......
個領袖生黎左,之後就叫我地拎飯(中3都仲要係學校食 -.- )
咁我就出左去拎啦,
咁拎左番黎佢又要我放番出去,
因為我地好嘈,我當然好唔滿意啦,
之後我咪話佢做野都唔經大腦,
唔通去完廁所之後又拎番d 便便上黎咩 ＞＜
之後佢冇理我，我都好唔開心，
因為佢真係好無聊呀　＠＠！
之後拎到最後，因為有人個飯倒左ｄｄ，
咁個領袖生問係邊一個做既，
唔認就唔可以俾果個新既個同學，
之後等左好內下都冇人認頭，
之後佢叫我地全班都企起身食飯，
係呢一個時候，我又忍唔住口，
問佢係唔係傻既，之後佢又唔理我，
食下食下，佢問我個朋友做咩唔企，
佢明明都有企架ｍａ，之後我真係忍唔住喇，
我就問佢係唔係發雞盲，真係好憎佢，
最後佢叫我地可唔可以靜一ｄ，
之後就放我地ｌｕｎｃｈ　ｔｉｍｅ，
我自然咁唔滿意地話〔唔可以〕，
之後唔知係咩既原因，佢叫我出去冷靜一下，
大佬呀，出面咁凍，咁都要我出去，
好喇，出左去真係好凍，
之後打鐘，放人去玩啦，
之後佢就叫埋我走，
我真係唔知道我錯ｄ咩架果時，
不過諗左一陣，
其實我都有小小過份既，
當然個領袖生都有錯既，
我諗我真係要好好控制一下自己既情緒喇　＾３＾