１月２７日，０８年過左２７日喇，
我同佢既感情開始冷落，
好大部份原因係因為我同佢傾計小左，
自從我知道佢有男朋友果一刻開始，
我已經唔想同佢一齊，
即使我個心好想同妳一齊，
不過事實係事實，我地除左冇左以前有既話題之外，
見面機會仲愈黎愈小，以前一日都有見到２－３次，
星期六妳仲叫過我出街架，
依加我連打個電話俾你都冇勇氣喇，
唉，你話死唔死呀？
如果我可以早ｄ識你，可能依加拖緊你手既人唔係佢，
而係我架喇，再唔係既，
如果我地從來都唔相識，咁你話幾好呢？
我可以繼續我孤苦既生活，
妳都可以有妳開心既生活．．．．．．
聽日又要英文默書喇，
我真係好唔想番學，我唔想又一次０分　＝　＝
功課都仲未做過，冇所謂啦，聽日早ｄ起身做，
最後一個星期喇，估唔到咁快，
我同我地班同學相處既日子已經仲小過早幾日奧運倒數２００日添，
我數過架喇，我地班一齊過既日子寥寥可數，
得９４日，１００日都冇呀，
時間一秒一秒咁過去，如果你問我有ｄ咩願望既話，
我希望可以好似多拉ａ夢卡通片咁，
有多拉ａ夢喺我既屋企，可以用時光機番番去中３開始既時候，
當去到中３完左之後，
又番番去中３開始既時候，
永遠永遠可以同你地喺埋一齊，
可以永遠永遠咁同朋友一齊玩，
我願意用我呢一生人一半既生命去換，
我真係好想好想好想，，，，
不過我知道，時間過左係唔可以番轉架，
就算有錢人都唔可以啦，
何況我呢個咁樣衰，咁冇用，完全唔值錢既人？
所以依加開始，我唔可以再用是但既心態去面對所有野，
可惜既係我點都冇勇氣用你示愛，
時間一刻一刻咁過，
我地一齊既機會都一刻一刻咁小，
到底去到幾時我先有機會同你講果３個字？
呢３個字如果依加我要講，
１秒都唔使就可以講到，
不過我諗我用１生人時間，
我都冇勇氣同你講，
因為我冇好大既權力，
又冇好多既金錢，
更加唔靚仔，如果你問我，
我有咩理由要你鐘意我，
我真係諗唔到出黎，
我只可以話我有一對破損既手，
可以保護妳，不過，
有錢人既手比我呢對多幾多？
可以氹到妳既方法多幾多？
我只係得一對人人都有既手，
不過係你離開之前，我要話比你知，
我比佢地多既係我有一個已經係你既心，
當你有意外既時候，
我唔肯定我呢對手可以保護到你，
不過我肯定我會用我條命保護妳，
死先既一定會係我，我會用我呢個身體既任何一部份，
甚至全個身體，為既係希望你可以冇事，
如果俾我講最後一句遺言，
我會同妳講　我愛妳　３個字，
我唔知你鐘唔鐘意我，
至少係我呢一生人內，
我做一件好有意義既事，
就係同我鐘意既人講　我　愛　妳　！
唔知道點解一諗起依加冇同你係埋一齊，
我就特別灰，
特別唔開心，
冇左妳既日子就好似一個太空人係太空艙冇左氧氣咁，
可能都仲可以撐到一段日子，
不過最後結果都係冇辦法生存，
不過依加開始我要珍惜時間，
係我喺太空艙冇曬氧氣之前，
搵到另一個氧氣樽，
的確我好掛著同你一齊玩既日子，
不過呢ｄ已經係歷史，
我地已經冇可能再一齊．．．．．．．．
唔知道有冇人知道點解介指要戴喺無名指，
而唔係其他手指呢？
我相信好多人都知道，
甚至我呢個傻仔都知道＾－＾
人冇左食物可以生存撐多３個星期，
我冇左我既朋友我都可以努力咁活下去，
人冇左水可以生存多撐３日，
我冇左我既家人仲可以好辛苦咁撐下去，
人冇左空氣可以撐多３分鐘，
不過我冇左妳我就連生存多３分鐘都唔想　＾ｖ＾，
依加我係我既夢中搵緊妳，
而妳就喺我既記憶中避緊我，
我唔知我要點先可以搵到真正既妳，
有好多人甚至一世人都搵唔到，
妳可唔可以主動咁搵我？
我無時無刻都在等待著妳，
因為咩原因？
因為：
我　　　愛　　　妳　　　！　　　
永　　　遠　　　不　　　變　　　！