聽日要家長日匯操綵排喇，
聽日咁凍，仲叫人著件咁薄既制服，
有時我都唔想番架，
不過冇辦法，我唔可以咁唔負責任架ｍａ，
今日上堂又俾人罵，
又係衰多口，真係好後悔，
有咩方法可以令我把口肯收聲呢？
唔通真係要到我做左ｄ天大既錯野先至可以懂得收歛一下？
上體育堂真係好悶！悶！悶．．．
因為落雨，咩都冇得玩　＝　＝
真係好唔開心架，等左一個星期仲想話可以開心番一日，
點知最後俾個天玩死ａｒ　＞＜
星期日就可以知道自己既成績喇，
我一直都希望可以考到１０名之內，
不過我諗又要苦等左一個學年喇，
下學期ｄ野真係難左好多，
數學今日教〔三角比〕，
我完全唔明個ｍｉｓｓ講咩，
真係好辛苦，唔想再番學喇，
不過又唔捨得３Ａ班喎，
９１日炸，一日一日咁過，
時間真係好快好快，仲記得琴日打ｂｌｏｇ既時候，
我仲好開心因為可以今日玩，
不過話咁快就到依加，
琴日英文默書得果３２分，
話咁快今日就補默拎左７２分喇　＾３＾
今日ｌｕｎｃｈ玩左一個好好玩既遊戲，
邊個猜包剪鎚輸左就要除左件褸，
街黎街去街５分鐘，
我諗我一定唔使輸架，
點知我就係輸左，除左之後真係凍到眼水都出埋黎，
佢地就猛咁申隻手落我個身度，
雪上加霜ａｒ　＝　＝
好彩我身子都唔係太差，
都冇傷風　＾３＾
下次真係唔玩ｄ咁既ｇａｍｅ喇，
作賤自己既身體個感覺真係唔知可以用咩形容，
本來可以係樓梯度企，不過我未輸之前覺得唔夠凍，
話要去學校後面個花園，
果度咩都冇，真係好凍，
只可以用自已攞苦黎伸　　＝　＝
後日就係學期頒獎喇，
之後就放假，真係好想呢２日時間可以過得慢一ｄ啦　＾３＾