放左假喇，
今日家長日真係好開心，
因為派左成績表，
今日睇左報紙，
一對小情人為左番鄉下結婚，
又上唔到火車，
竟然就係天橋跳落火車，
最後個男仔電死左．．．．．．
我真係好唔開心，
結唔到婚姐ｍａ，
咪算囉，
等多一年先結又唔會點既．．．．．．
仲記得早２日見到ｔｖｂ都仲訪問佢地架，
２日之後就分開左，
真係覺得好唔舒服，，，，，，
聽日約左朋友出街做通識問卷調查　－　－
真係唔知點算好，
今日我真係好開心，
因為我終於真真正正咁實踐到唔講粗口　＾３＾
今日匯完操之後有條友冇啦啦話我撞到佢，
錯左，我應該話係有個傻仔先岩下，
佢以為自己好ｍａｎ咁，
不過又係既，
中２都有好多靚女同佢一齊玩架，
不過我先唔羨慕佢呀，
我雖然唔係好多女仔同我玩，
不過至少我唔係傻仔啦．．．．．．
我唔理佢，之後佢就走左，
放左學之後出左學校門口，
佢係度等我，
叫我同佢ｓａｙ　ｓｏｒｒｙ，
話我撞到佢唔可以就咁算，
係呢個時候我真係好想罵佢，
不過佢中２，唉，加上我又唔係好好心情（俾呀ｓｉｒ罵）
唔理佢啦，
之後佢話我ｏｘ９仔，
我冇用粗口罵番佢呀　＾３＾
我叫佢唔好呁罵自己，天生我才必有用ｍａ，
佢本來想走架喇，
不過聽完之後又望番我轉頭，
仲好大聲咁問我：你講咩話？
我真係好開心，
因為我冇用粗口罵佢，
第一我唔想用粗口罵佢，
因為去完個ｃａｍｐ之後我決定左唔可以再講粗口，
第二後面我見到有個呀ｓｉｒ望注，
大佬ａｒ，ｅ加我３ａ班架ｍａ，
一個唔好彩俾人踢左去ｅ班我咪升唔到中４？
所以我冇罵番佢，
之後我另轉面，
對著佢講：
ｅ加我講緊廣東話，如果你唔明既話我可以用英文同你講多次，不過你呢ｄ只係識講粗口既人，同你講英文都冇用架啦，廣東話都仲未識講曬，不如咁啦，我有個朋友佢有一本字典，咁呢就係俾ｄ傻仔查字既，如果你要既話我幫你問佢拎啦．．．．．．
佢最後吐口水去地外之後就走左，
之後佢就同班女仔走左，
老實講，同佢一齊ｄ女仔真係幾靚架，
不過真係有ｄ可惜，
咁靚既女仔同個死傻仔一齊，
我真係好無奈　＠＠