今日真係令我好開心，
先係琴晚同班朋友玩左一晚，
訓都冇訓過，
今日又玩左全個朝早，
４點幾喺友足球場打波＾３＾
打到成６點之後一齊去ｍ記食早餐，
之後行左個幾鐘市中心，
不過間間店都冇開　－　－
最後番左屋企啦　＾３＾
係喎，番左黎之後訓左一陣發夢，
呢次發發下我好似真係入左個夢咁，
有意識咁去望同我一齊個女仔個樣，
不過當我一有意識既時候，
個死人鬧鐘嘈醒左我．．．．．．
呢幾日真係唔知係咩原因架，
真係晚晚發夢都同個女仔一齊，
唔知係唔係叫做〔日有所思，夜有所夢〕呢？
真係好開心呀呢幾日，
如果下一次再可以同佢一齊，
我第一時間一定係睇佢個樣　＞∼＜
今日朝早出左深水涉呀，
估唔到大年初一成個深水涉好似死虛咁，
又冇人，冇店舖有開，
全條馬路得巴士咁　－　－
本地想搵妳架呀紅，
不過我都唔知你喺邊．．．．．．
唔好嬲我啦，最多下次一定搵到你喇．．．．．．
仲有一個星期多ｄｄ就番學架喇，
功課都仲係唔想掂，
不過應該好易做．．．．掛．．．．．．
希望我今晚可以再發多次夢啦，
原來只要自己心中好掛著一樣野，
喺訓覺之前用２－３個字諗一諗佢，
掛一掛著佢，就可以同佢一齊暢遊夢中架喇＞∼＜