呀紅呀，
你岩岩同我講〔時間可以沖淡一陣，包括我地既友誼〕，
我真係連個心都好似分開左一半咁痛，
我都估唔到自己一時既無知會令到你咁唔開心，
我完全冇諗過你既感受，
你就唔同呢，當我唔開心既時候你開解我，
唔知你記唔記得呢，
初初我以為自己考唔到個章既時候，
你第一時間唔係落井下石，
而係安慰我，叫我唔好咁唔開心，
之後我就不停令你唔開心，
你對我好既時候我仲一一記得，
而我對你唔好既就唔記得曬，
咁唔代表你對我好既時間好小，
而係相反，係我對你唔好既時間多，
多多多到我自己都唔記得，
唯一記得既只係當我唔開心既時候，
喺我身邊永遠都咁支持我既就只有你同傻豬仲有呀敏，
其他ｄ所謂既朋友，一係就唔理我，
一係就話我抵死，話我死傻仔，
個個都落井下石，
喺我最唔開心既時候，
就有你地３個安慰我，
而我就成日都激嬲呀紅你，
唔好話你對我好失望，
我自己都覺得自己太過份，
ｅ加當事情發生左，
我先至識得後悔呢樣野，
雖然你可以已經唔當我係你既朋友，
不過我既心目中，永遠永遠，
你地都係我既ｂｅｓｔ　ｆｒｉｅｎｄ，
永遠都係，永遠都唔會改變，
我地既友情只會愈黎愈好，
永遠都唔會愈黎愈差，
次次我都係咁，
當事情發生到一個不可收拾既地步既時候，
我先識得去後悔，
喺學校又係，屋企又係，出到黎社會又係，
對注ｍｉｓｓ又係，對注同學又係，對住家人又係，
連對住朋友都係，
呢個世界上，唔會個個都咁忍得我，
就連我自己都再忍無可忍，
我真係好想打醒自己，
我真係真心知錯架紅紅，
希望你可以原諒我啦，
喺呢個時候講咩都冇用架喇，
我只係希望，之前我講既野，
對你做成咁大既傷害．．．
我只係想用我呢ｄ說話，
減小對你既傷害，
．．．．．．
唔知道喺你既心目中，
我仲係唔係你既朋友，
我真係好想你睇到呢篇野，
可以原諒番我，不過你都冇我既ｂｌｏｇ．．．
我真係好想你可以原諒番我最後呢一次，
做番朋友啦，冇左你同我傾計，
我既日子真係好苦悶，，，
我想話你知我個ｂｌｏｇ架，
不過你岩岩又罵我煩，
如果我再煩你既話，
我就成為千古罪人架喇，
希望可以同你做番朋友啦．．．

今日出左市中心做問卷調查　　－　－
ｅ加先真真正正咁感受到原來香港人係咁冷漠架，
我去問佢ｄ野，一係就話唔得閒，
一係就問我點解佢要答我，
有ｄ仲罵我，話要咩獎品喎　－　－
做左３個幾鐘，先得７個人肯答我既問題　，，，
我真係唔知道我可以點喇，唉，
唔通我真係咁失敗？
朋友冇左都已經傷心到，
仲有做問卷調查俾人串，俾人罵，
香港人真係咁衰架咩？
世界上個個人都話香港人好有禮貌，
不過我完全睇唔出囉，
對呢個社會失望，
對一個無用既我更加失望．．．．．．