今日朝早終於正常番，第一時間當然係去開電腦啦＾３＾之後玩左一個朝早，可惜既係，到左下就既時候個妹番左黎，唯有俾佢玩啦，，之後自己就自然好悶，個人都仲係咁唔開心，之後就上左張床訓覺，原來心情唔好訓覺真係好易就訓得著架，食完飯１點左右，新聞都未播，一下子就訓到８點幾，喺訓左覺既呢一段時間，我感覺得到，我好似醒左３次，不過一醒左唔使一分鐘，即刻訓著左．．．
　　呢幾日無論我用咩辦法，都係咁唔開心，聽歌又試過，唱歌唱到喉嚨都沙埋　－　－同ｄ朋友打羽毛球打到全身都痛，喊既話我自問喊唔出架喇，我真係唔知道仲有ｄ咩方法可以令自己開心番，除非件事情冇發生過，如果唔係，唉，真係好傷心．．．後日就番學架喇，冇記錯即刻又要英文默書，數學又要背個條式，不過好易下姐，最大問題係ｍｉｓｓ成日喺度罵，本身好有自信心架我，ｅ加成個人都灰曬．．．．．樣樣野我都諗唔到好既一面，只係諗到唔好既一面，唉∼如果件事情冇發生到，我相信至少ｅ加我都唔會咁傷心先啦∼∼
　　人地話一個人唔可以冇自信，我都好想搵番呀，記得小５既時候，真係有一個同學令我覺得佢好有自信架，我同佢講話如果真係鐘意一個女仔就同佢示愛啦咁，佢真係寫左封情書，之後俾左個女仔，個女仔當然冇接受啦，當時我都唔知點解個女仔會唔接受，ｅ加睇釉記念冊先知道，唉，原來係我搞到佢咁魚．．．之後我去問佢，話係唔係因為我話叫佢示愛，佢就去，之後佢話唔關我事，咁我問佢點解，佢就話，佢ｄ朋友好支持佢，佢仲同我講，話〔有信心未必可以成功架，不過冇信心就一定失敗囉∼〕，我果陣都仲唔知佢講咩野，ｅ加我雖然明白左個道理，不過，都係算啦．．．
　　時間過得愈黎愈空虛，覺得自己生存落黎都唔知有ｄ咩意義，雖然係咁，不過我都唔會因為咁樣而作賤自己既，希望下一年既情人節，我可以同妳一齊過啦∼
　　人地話過去既野忘記左佢算數，不過喺我既心目中，發生左就係發生左，永遠我都係咁憎你架，就算你同我ｓａｙ　ｓｏｒｒｙ都係冇用，因為果一次你真係搞到我喊左２日咁多，傷心左成個月，到ｅ加我都依然冇辦法忘記，似乎唔開心既野永遠都陸續有黎咁，好內之前一次令我喊左２日，傷心左成個月，唔知道呢一次我又要傷心幾內先至可以冇事呢？