呀庭ｓｏｒｒｙ呀，今日我唔應該發你脾氣，我知道你唔係有心架，不過真係好痛呀ｍａ∼∼
　　小息既時候，我同肥遠玩得好開心，之後我想坐低既時候，呀庭拎左佢張櫈，因為之前呀遠玩，拎左我果張走左，咁我就自己拎左庭果張自己坐，之後我坐既時候呀庭冇心咁拎走左，咁我又唔知道，之後我就一下跌低左，好彩我反應快，腳落地，如果係腰落地，可能ｅ加做左朱振國喇　－　－，不過隻右手超痛，所以我就一下時罵呀庭，其實呢件事上，佢的確係有錯既，不過我都有錯架，因為我一跌左之後佢已經狂咁講ｓｏｒｒｙ，不過我都冇理佢，仲一下踢佢張野，所以錯既應該係我多ｄ，ｓｏｒｒｙ呀庭，我真係唔想架，希望你唔好嬲我啦！
　　果１６００字始終都係要作，嗚嗚，ｍｉｓｓ記得左之後叫我放學去作，我放學作左４００字之後，佢放我走，仲話８００字算，其實我知道架，ｍｉｓｓ你唔想我作咁多ｍａ，多謝你ａｒ！！
　　今日ｌｕｎｃｈ既時候，個領袖生好左好多咁喇，其實諗真一ｄ，錯既始終都係我地既，如果覺得佢講既野有咩唔滿意，應該同佢講ｍａ，唔應該開口埋口都罵佢，佢都係義工，冇人工架ｍａ，所以我覺得我應該收歛一下，唔可以再成日咁話佢，我地講既時候自然好開心啦，不過佢聽到一定好難受架，所以之前話過你地既領袖生，ｓｏｒｒｙ呀，呢ｄ都係我既錯＠＠
　　今日放左學去睇中ｅ　ａｒ，佢話我有小小傷風，所以要食ｄ唔知咩咩下火既中藥，佢真係好勁也，一把完個脈之後就問我係唔係有好多鼻水，之後真係佢勁啦佢＠＠ｄ藥好苦好苦呀，嗚嗚，想唔飲，不過為左唔好再有咁多鼻水，都係飲左佢啦＾３＾
　　電腦堂ｔｅｓｔ，完全唔識ａｒ，哼∼個呀ｓｉｒ都唔知佢教咩，點識喎，下次識果ｄ整好ｄ，拎番多ｄ分啦唯有．．．
　　今日都可以話係開心既一日，雖然發生左好多唔開心既事，不過從中我學到好多既道理，不過計下計下，我同３ａ一齊既時間只係仲有８０零日，都姐係話我仲有８０零日既機會，不過呢個機會我可唔可以把握？唔知道，我只係知道如果我再咁落去，８０零年我地都冇可能一齊．．．．．．