今日真係好平常ａｒ，開心既事情又有啦，唔開心既事又有ｂｏ，
　　早上遲左番學校，狂做功課，好彩最後都做曬功課姐，如果唔係今日放學就慘ｌｕ＠＠之後小息既時候呀肥遠又傻左喇，狂係度唱〔搭錯車〕，之後華ｄ又和下音咁，成個課室都輕鬆左好多ａｒ！！之後小息既時候我地又借左個排球黎踢波喇　＞　＜！文才俾個中一既整到個面，眼鏡小小破左，唔知道佢ｅ加仲有冇事呢？真係唔想佢有事呀，因為佢都係我一個好好既朋友黎架＠＠
　　放左學之後同個ｆｄ去市中心買鞋，去運動家買左一對ＡＬＬ　ＳＴＡＲ，成３００蚊呀，好肉亦＠＠書包又破左喇，只好叫呀媽幫我連連先，過多幾日先買過新既啦，皮鞋又破，咩都要錢，咩都問呀爸呀媽拎錢，真係好唔開心，唔係因為唔可以用自己既錢去買，而係呀爸呀媽辛苦得番黎既錢一下子就俾我用得７７８８，到我大個仔之後，我一定會好好報答你地架！！
　　今日發生左一件好奇怪既事，我讀左咁多年書，９年黎，我從都冇試過電腦堂訓覺架，呢一日個呀ｓｉｒ講ｄ野真係好唔得囉，加上今朝食左傷風藥，超眼訓ａｒ，真係全堂係度訓左覺，呢次係我既第一次係電腦堂訓覺覺豬　＝　＝　∼∼
　　視藝堂做咩印喎，好易整姐ｍａ，整完之後第一時間就係訓覺喇，真係好舒服ａｅ．．．．．．
　　放左學買左鞋之後又去睇ｅ生喇，去元朗架ｍａ本來，之後冇啦啦坐左７５１輕鐵，去左天水圍，之後一落輕鐵先知道自己去錯地方，睇黎我真係傻ｑ左　＞　＜，之後搭番唔知果部咩咩咩，去元朗啦，之後睇完ｅ生，超恐怖囉，ｄ藥多到，食一次要食成１０幾粒藥丸，個ｅ生話咁樣有效ｄ喎，咁冇計啦，只好聽聽話話食曬佢，如果一個星期之後冇用既話我就番去拆佢招牌呀，哼！！
　　聽日又英文默書喇，我真係好唔想又見到自己既英文又一次３０幾分，不過冇辦法，唔到最後既關頭，都唔會去溫，之前上一個學期啦，唔計分果ｄ默書就次次都０分咁，一到要計分既時候，即刻拎１００分，之後ｍｉｓｓ都叫我次次都咁努力就好，，不過冇可能既事　＞　＜
　　聽日交安加操去到８點鐘，希望可以操得好ｄ‘啦，其實我地中三操得都ｏｋ既，只係怕ｄ中二囉，不過唔理點都好，我地都係一ｔｅａｍ人，所以唔可以計較呢一ｄ野，應該做好自己本份，希望佢地可以操得好ｄ　，因為有幾個都操得好唔自然架，都仲係領略唔到，真係希望佢地可以生生性性，操得好好睇睇，報答呀ｓｉｒ同ｍｉｓｓ對我地既信任！！