今日真係好失望牙.同C班既比賽.打成2比2和波.個過程就真係....一開波先輸一球.之後打極都攻唔入.之後再輸多一球...以為應該都係輸架喇.仲有4分鐘,都仲係輸緊2比0....就係呢個時候.嘉晉入左黎,之後我地既奇蹟4分鐘出現喇...先係佢拋既界外球.志遠一頂.入左.好波牙!!過左一陣,志遠禁區頂左個波出黎.之後我大力咁射埋去.射中左裕美.之後彈入左...裕美俾我射中左之後佢望過黎罵我...之後我同佢講[入左牙]...哈哈.佢同我都一樣.唔夠膽相信..仲有好小既時間,最後我地都係唔可以勝...不過打到一場咁既波都OK架喇 ^^....之後上左去.通識測驗,,呵呵.華D出貓 ^^....之後要落去做個英文小組討論.我地個個係咁串牙鏗哥牙.呵呵..佢講講下好似傻左咁.咩去REATAUEANTS 玩 TABLE BALL......笑到....之後上左去做中文既個人短講.中文的確係我既強項.我用左岩岩場和波做左個題目.個題目係MISS俾.叫做[呢排一件唔開心既事情].之後講講下.我引左一句[成功係99分既努力同埋1分既天份],我希望牙遠佢地可以知道,D班天份幾好都好.我地只要努力都可以贏波.下一場對D班.應該冇咩可能架喇..因為佢地琴日竟然係4比2贏左3E.....我都係今日番學先知道呢一個消息...問題係我之後話果句野係愛因斯坦講既...俾文當眾話係愛迪生講既 = =” 講完之後個個拍手掌/我覺得好開心牙.因為自己得到人地既認同......佢地個個都話我講得好好.MISS都係咁話...其實我都係有果句講果句姐.今日C班真係好賤囉...先係小豬接左個波佢地都仲要搶.佢地俾牙SIR同埋旁邊D人罵^^ 真係好開心牙.當我射入左追平既一球之後.我感覺十分之開心.因為我既願望得到左.就係想可以入一個波...之後就係佢地下下唔收腳.我都係死頂頂到完場架炸...真係好痛牙依加...嗚嗚...