已開始封則
封測啦封測啦！好緊張好刺激丫！到底《路尼亞戰記》吸引之處何在？點解又要喪玩？仲搞到一班編輯搶A/C（哩一到誇張左少少……）？依家就立即等貓仔為大家講解講解一下啦！
創造角色
一登入去就當然要整返一個角色先啦（哩一個係不變的定律，廢話一句XDD），現時封測暫時只開放左3個角色分別係補師艾兒、騎士吉克和魔法師丹恩，而盜賊蒂亞以及操偶師黛西則會在公測的時間先後開放，而仲有一個神秘的「人物」，係咩？遲少少先講啦（奸……）
簡單的教學
好啦好啦，辛辛苦苦終於開到角色（迷之聲：有幾辛苦丫……），之後就立即跑入廣場啦，一入遊戲少不免有新手教學的環節，《路尼亞戰記》當然都唔會少得哩一步啦，一開始選擇開始教學，佢就會咩都教你，由你點行點走，到去商鋪買野，仲會同你講點樣入去關卡，搞點之後當然就要打怪啦！
一面打怪一面解任務
選好關卡之後就當然係入去殺怪啦，不過都會仲有少少教學，例如點打怪，點樣用技能，仲有少少的連續技都會教比大家，而且每一關開始同結尾的時候都會有動畫劇情，交代返個一關的情節比大家，等大家可以知道發生緊咩故事。
而基本上每一個關卡都有佢自己獨特的任務，只要解左哩一個任務就可以係個一關有另外的經驗值同錢，當然有d仲會比裝備同藥水，最重要的就系可以重接任務，可以一直咁刷經驗（下面會再講）。
爽爽的自動組隊
有一次小編玩玩下的時候，依？點解無啦啦有條友幫我補血，個面仲有一個魔法師AE緊？！後來先知原來就算你無組隊，又唔係開秘密關卡，電腦就會自己幫你組組他的玩家（又或者幫你自行加入其他玩家開設的關卡），令到其他的玩家一樣可以自動加入到遊戲之中，一齊體驗一班人打怪闌關的樂趣。
不過有一點大家需要留意，有時係關卡開始無耐就會見到有幾件石頭，大家千期唔好咁心急打爆佢，因為一打爆石頭之後就唔會有其他的玩家加入，所以如果自己唔多夠打又想有人幫，最好先等齊人滿組先好開波，不過唔知係唔係Bug又話者系統唔夠完整，有時候舊石頭爆左都仲會有其他的人加入到遊戲之中，可以到公測的時候先會改好啦。
地圖限制重重
有時候關卡都會有好多的陷阱同機關，出現的方式都係好多，多到數都數唔完，特別係第二章之後，有好多地方都會要求玩家做一D指定的野先可以開門又或者去下一部份，殺怪本來就唔係問題，不過有時就會有時間上的限制，例如會要玩家係1分30秒內殺光所有的怪物。
陷阱同機關都有唔少，例如係2-1的時候就會有雪崩，大家要利用地圖上的空位一面回避身後一波又一波、一浪接一浪排山倒海的「雪崩攻勢」，一面向終點前進，如果一個唔小心好容易就會被活活「撞死」。
而機關都係一樣好危險，又例如2-7的關卡，睇到個名叫「古代迷宮」都知一定會出事，玩到一半的時候就會出現幾個傳送點，要行到正確的位置先可以去下一個房，有時候走錯就好少事，不個如果一個唔小心開中會狂出怪個D點，好容易就會被怪SM死……
以上幾點就真係要多多留意，因為好多人都會因為睇少哩幾個問題，一個唔小心就會闖關失敗，一句到尾，小心駛得萬船。
刷經驗值小技巧
大家有時候會唔會覺得升給好難呢？怪又唔夠多，打返黎的經驗又可能好少，其實有幾個方法可以幫大家打多少少經驗值返黎，一個係用任務、一個係利用關卡的特點。
但係仲有一點大家可以留意，因為滿組之後得到的經驗值會比較多，所以大家最好搵幾個人組滿之後一直勁刷，多幾個人又可以打快D，經驗又可以多D，咁樣就當然可以升快D，爽爽的。
利用任務狂刷經驗值
先講一講任務，有好幾關的任務都係有一D好簡單的條件，例如打一隻小王，一D指定的怪物咁樣，係哩到就建議2-10，個一關的任務就係要求打3隻小王，而且中間打的怪到有一定的數量，只要可以打完一次（唔計打最後的龍王），連任務一次過都有10∼20%的經驗值。咁大家就可以係打完3隻小王之後就重新選擇關卡，解完任務之後再重接一次，然後就可以一直狂爆經驗值。
利用關卡的特點
所謂利用關卡的特點，其實就係不停出怪，分別有兩個建議的關卡，一個係2-6，另一個係2-7。
先講2-6，本來主要的任務就係要打爆三個傳送器同保護冰雪女皇，不過三個傳送器只要唔被破壞就會一直咁出怪，講到哩到大家都明我的意思啦掛？無錯啦，只要大家留返係本陣，等D怪一隻一隻咁過黎，又無時間限制，咁當然就可以一直刷怪啦！
另一個就係2-7，上面就有講過啦！有時候去到第4個傳送房左右，只要一走錯傳點就會又出一團新怪，咁哩一個刷怪的方法都係好簡單，只要大家唔好跟指示，專登走錯傳送點，咁樣就可以一直生怪，只要打得快清得快又可以再叫下一波我怪物出黎，加上場地範圍比較細，大家只狂用範圍技好易就可以清完，所有魔法師係哩一到刷都係好爽（都因為場景細，魔師師好易就可以拉怪AE，一個人刷都係好快），所以有技能就炸，一定吸得好快。
有錢就可以開公會
封測我時候公會系統就已經開放左比大家，則係話大家係封測時就已經可以開公會跟其他唔同的朋友組成一個大家庭，不過開公會的條件真係好簡單，大家只要有錢就可以開創一個自己的公會，完全無其他的條件，包括等級同職業。
首先要有5金，之後再搵公會所長，打完名、簡介，比左錢之後就可以開到公會，全個過程唔到一分鐘，幾咁簡單丫，不過對小編黎講……5金，係一個好遙遠的數字；5金，係一個好龐大的金額……喵……
神秘的第六角色？！
其實除左5個主角之外，仲有一個隱藏的角色，不過得到的條件未明，但係小編就係youtube到搵到一段韓國版的短片，原來係……係咩？唔講住，自己睇下段短片先啦！
網址：http://www.youtube.c
om/watch?v=OjzFDYk6r
uo
另一段就係哩一個角色打王時候的短片，可以見到用兩下技能就打死5-10的最後大佬……無錯，係兩下……
網址：http://www.youtube.c
om/watch?v=08_gLQv21
xE&feature=relat
ed
就短片所見，哩一個角色ＯＯＯ係可以變身成為其他型態的ＯＯＯ，而且仲會有一D超強勁的技能。ＯＯＯ係咩？睇完你就知……仲一定會O咀……
貓仔約你見個面
時間：星期二下午5時正。
活動：問答環節，打怪。
分流：廣場01
後記
無咩特別丫，小編一日最多都係玩三次左右遮……（謎之聲：不過每次八小時係唔係？），耐玩就真係好耐玩，自動組隊又係爽，幾方便，不過就唔係次次都會組得到補師，有時候打王都會幾辛苦，不過都係封測遮！公測之後先爆過！喵嗚！
當編輯碰上路尼亞時……
貓仔戰記
角色名：貓仔
主要出現分流：廣場01
職業：魔法師
等級：17
爆丫爆！炸丫炸！一直狂出AE技大範圍轟炸，唔理咩時候都係勁爆，加上特殊技係補魔，一直放一直回魔，正！加上當有戰士，你前面擋我係後面玩，幾鬼爽丫。
其實仲開左個補師同戰士，不過就無心機去升，因為我真係好想打過第二章丫！點解條龍咁鬼難打嫁？一下吹飛地都唔洗落就秒，眼見就黎打得死，又叫一大班仔仔出黎幫手，自己奐狂召龍捲風，點打丫……我卡左係呢到兩日啦……唉，有無好心人幫下我丫？
唔通真係要用操偶師，再用仔仔慢慢磨死隻龍王？！
小虎遊記
嗯…打什麼好？！其實小編仲未玩到這個遊戲！為什麼？因為編輯部Download 速度其慢…下了2日都下不到…真可憐喔…說回正題！說說在正式玩家會玩什麼角色吧！，小編想當一個操偶師！為什麼？因為近日小編找回很多很多關於日本的道士，法術師，令到小編十分著迷A__A，所以小編選擇到公測時當一個操偶師就是如此！（再加上不用自己上前去打怪，看見某波跟某貓衝前打怪打得死去活來，自己一個在後面的感覺會很爽！這也是一大原因之一）完！
|
