今日我地約左詩姐姐等人去燒野食,不過原本人數變左等番一半......
最後我地約左係荃灣MTR station既恆生銀行等,
點知我地兜兜轉轉先嚟到, 到齊哂 ,...真係艱苦!!!!之後我地就進一步進行我地既計劃
我地去左百佳買野,途中 ,我地非常受到嘈音困擾,就係果兩位仁兄(不方便說名道姓),
我地大shopping完之後,我地進行第二計劃,搭車........哦...原來我地目的地係咖啡灣 ,
原來果度仲有沙灘,隔離仲係黃金海岸 ,正呀!詩姐姐簡既地方果然"有料到"
我地係烈日當空吓等車 ,果架車仲要N年都唔嚟一架,真係想死!!!去咖啡灣燒野食.......
果度真的非常"正",我地經辛萬苦去到之後 ,
哇!!陽光與海灘抵番哂,我地搵左爐, 透爐, 詳細情形唔講喇!!
我地又經辛萬苦咁透完爐 ,終於開餐了........我地都我勁吓,
我地坐係烈日當空下 ,再加上熱爆既火爐 ,果陣真係好似焗緊Song na ,
熱爆!!!!!我地最後都食唔哂d野,之後我地又進行下一個計劃,........沙灘!
果度藍天白雲,冇椰林有樹影,唔水清但沙都幼,簡直人間天堂....
我地一邊嬉水 ,一邊影相 ,d相仲勁好笑 .....哈哈,仲有不得不提果兩條傻仔,
果兩條傻仔,真係比佢地激鬼死,佢地竟然著住衫褲落水游....我地係度懷疑緊,
佢地點番屋企??真係o哂咀....
之後玩左好耐,走果陣,我地行下行吓,行左一條街,果度有一d好有香港特色同埋好多幫人畫畫既攤擋......真係意想不到...我地最後都係盡興而歸 ,我地都哂到紅哂,最勁係我 ,隻手變左兩條朱古力,好好痛痛,不過又幾型吓!!哈哈
(d相遲吓有得睇)
|
