講番琴日先, 琴日都冇咩做過咁... 冇上過堂咁, 番學都唔知黎做乜!唉*  放學時, 賴媽媽 黎左學校喎.. 車左我地番屋企, 基本上我係超級尷尬囉!!!! 所以 都唔敢點出聲... 特別係賴文& 茶瑜落左車之後,  尷尬死呀! 我仲講左３次 [唔該] 呀..  講真, 都真係好多謝佢車左我番屋企囉! 哎唷... ><"

                                         跟住番屋企.. 開左電腦 冇打日記!! 我又 拆左條頸巾啦! 好短呀! 再織過啦又... 好Q煩呀! 想整鬼爛佢呀! 唔洗煩! 不過又唔得啵... 哼, ^^

           夜晚 諗住聽收音機, 點知冇電! 所以 我就聽左 周杰倫 最初出道 果兩隻碟啦~ 不過真係好好好好好聽呀! 好似百聽不厭咁呀! 佢最初出道既兩隻碟既歌 係我最鐘意的!!! 我 唔經唔覺 鐘意Jay 都有成５年啦... 我好記得係由F.1 開始的... 到宜家都仲係非常之鐘意呀!!   當我聽番某d 歌, 有好多回憶... 好想喊! 好想喊! 個感覺 就好似 趺左落去一個好深好深既 洞咁!! 爬唔到出去! 好辛苦... 我相信 冇人會明白我既感受 o架啦~

             我亦記得 ,唔知幾時... 茶瑜, 阿蚊, 姨姨, 仲有我 係到傾計啦, 佢地有d 話想結婚, 想做伴娘... 而我就冇出聲! 平時 我諗我都會講 想做伴娘, 但係果次 我都冇講野... 係因為我咩都唔想, 我只係想 番去以前咁, 有你既日子!

                                   上天不給我 美麗    是為了不讓你愛上我

                                   上天偏偏給我 緣份  竟為了讓 我愛上你

                                        今日都幾凍呀... 唔覺咩?? 上堂 都冇野做呀, 發夢囉! 就係咁!

                        我昨晚發夢跟你一起 很快樂,  唉! 想來想去  畢竟都是夢

到lunch時, 食飯囉... 隻腳俾人踏到! 好痛呀.. 個人又大份, 又高, 又重, 又大力, 一腳踏落黎! 真係死得囉! 講真. 真係痛!~ ><    放學eng test 冇做超多, 因為好辛苦...  好累呀個人! 放左學, 一齊搭車! 番屋企...

 我未幫靜欣 寫紀念冊呀.. 聽日先啦!   對某d 人我真係一肚氣, 真係費時同佢講咁多! 晒我氣, 搞到傷身呀! 

                                  我知道你一直認為 我不重視你

                                  其實 愛我 需要  無比的耐性  巨大的勇氣

                                  因為 我是一個 很不會 表達內心思想 的女生

                                  所以 需要你 去引導 我

                                         今日我覺得幾凍 呀... 做咩你地唔覺凍咩?? 一大早 有４堂唔洗上咁... 唉* 好似愈來愈過份啦! 點算呀? 你地唔覺咩?? 唉* 死啦... 我都想讀書架! 點算好呢?  d 同學仔不停咁玩波波... 好似好開心咁囉! 都未到聖誕節 大家已經開始玩lu... 不過d 野係幾靚既... ^^  我都想快d 到聖誕節呀!!!

                                        lunch之後, 有少少講座聽啦... 我要捐血呀! 我點都要試一次啦... 係米咁話先?? 一齊捐啦... ^^  跟住補課.. 我好乖有做佢果d 野, 做完之後... 落到下面, 我就 真係.. 火都黎呀!

          我見到個排球 係俾人踢左上去, 我知你嬲都應該!! 但我真係唔覺得你 坐係到就算囉!! 係到等!! 等到幾時呀? 個波 唔落番黎, 我地就一路等呀?? 最後, 我同茶瑜就上左去幫你拎, 我地跑上跑落, 我地又試過拍門, 冇人應! 我就跑落去 叫書記, 個書記就幫我叫左校工開門, 茶瑜就係到幫手拍門!! 我地兩個咁走黎走去, 又拍門! 都係為左幫你 拎個波, 俾番你之後, 你係到發皮氣????? 仲話 點撚樣?? 你咩事呀宜家, 如果你 講句唔該, 笑番下, 我地都算啦, 你係到同我地講晒粗口!!  應該係我地問你 點撚樣至岩呀!!!! 我地務必要幫你拍門, 務必要幫你跑黎跑去, 務必要陪你係到等, 務必要幫你拎個波既!!!!!  我問你呀, 若果跑黎跑去 果個人係你, 幫完人之後, 仲要俾人話 點撚樣, 你會點呀??! 你都嬲啦... 我唔係要話你錯囉, 我只係想你反省一下,唔該!  你答我呀, 你坐係到做乜呀, 等乜野呀, 黑咩面呀!!! 你出句聲都好呀..! 係到坐! 你唔去拎個波, 個波鬼會自己飛落黎呀??!  有翼 o架??!  如果你真係重視個波, 你就好應該自己去拎囉.... 我仲未鬧完呀!! 我仲未嬲完呀!! 茶瑜都未發皮氣, 未講粗口呀, 你就黎話點撚樣!! 唔該都冇聲?!  我係好嬲呀宜家, 點撚樣呀宜家, 乜野唔好呀!! .. 如果係咁, 以後我同茶瑜 都唔會幫你囉!!!  我講既野係咁多。

                                         今日 因為我要開世貿 會議,所以唔洗番學... 好開心! 一大早起身, 約左茶瑜, 去睇 << 如果愛>>  , 兩個女仔... 哈! 幾好呀!  睇完就行街街囉... 好早就番屋企啦! 因為茶瑜要番學呀~ 我就買左 少少化妝品 ... (好貴呀!心痛呀!)  茶瑜就買左禮物仔 俾佢老公,...

                                        睇完 <<如果愛>> , 都ok啦... 一黎就跳舞, good呀!*   成套戲好感動囉! 其實 我有睇到眼濕濕.... 我覺得 周迅 真係做得好好呀!! 而張學友 就可有可無 咁囉... 金城'無' 就唔洗講啦. 靚仔一名!!  我係俾 個劇情  個故仔 感動左囉... 一個苦等１０年  一個忘記了１０年 .... 我完全明白苦等 既心情! 訓唔著, 食唔飽! 感覺做得好好!   睇完之後,  我終於知道一個女人 係可以咁 灑脫!! 可以 清爽!! 話忘記 就忘記!! 我都好想好似孫納 咁, 我並唔係想學佢 為名利 而放棄 愛情! 而係想學佢一樣 走得灑脫 忘得乾乾淨淨!!  

                  我換左歌呀... 哩首 係<<如果愛>>入面, 我真係好鐘意既一首歌呀!!! 好感動囉! 聽下啦!

                                         今日都幾涼呀.. 唔覺咩?　番學都冇咩野呀, 上中史堂又訓囉! (唔係做咩呀?!)  到ECON堂, miss 終於番黎囉... ok 掛住 o架! ^^ 哈! 到lunch時, 就笑囉.. 講核突野呀!! 真係好核突呀! 不過我又要笑啵... 真係賤格呢? 唔係喎~ (自問自答)

                                      放左學, 就只有我一個人係到等佢地囉! 好彩有茶瑜本 雜誌ja, 如果唔係, 我一定悶死左囉... 就係咁啦. 搭巴士  有叮噹同肥軒 係到... 我就一定會笑到死左囉! 一定會囉!! 所以我就不停咁笑囉... 跟全番屋企, 係咁..

  見到了嗎? YSL 學Dior 囉...咩事呀佢!!!!

    唉* 聽日就係世貿啦... 又要開會啦! 真係忙呀, 聽日一大早就有成 10 幾架BMW黎接我啦, 唔係咁好意思嘛! 又要搞到成個灣仔 幫我封路喎... 幾唔好意思呀! ( 我係米傻左呀? 我講左成日啦, 白痴)

                                     某程度上   我是小氣    我是介意別人說我

                                            外表  我比人堅強  比人灑脫 

                                            但我想問  我可不可以 不勇敢