今日已經100日啦..
我要開開心心咁過埋呢一日..
我要堅強,我一定要堅強..
但我可以嗎?!我知我自己係扮的..
扮堅強都係好辛苦既一件事..
仲要扮開心,唉..你覺得我真係開心咩?!
shun講得好岩,我口講話放得低,但其實..我個心放唔低..
我真係好放唔低,你係第一個令我心動既男仔..
每當聽到有人講佢好似追你,想溝你,都可伶我樂上一日,
但我知係冇可能,但令我幻想下都已經好滿足,,
但之後既時間,連呢d幻想都唔可以有啊,不可做第三者的!!
今日潘主任同我地傾計,佢個口都大煙味,不過好臭,
之後就令我諗起我唯一一次覺得香既煙味,唉...不過已經係兩個月前既事了..
愛一個人..佢既一切在自己心目中總是美好的..
100日,好長咩?!好短咩?!我都唔知啊..
100日都差唔多3個月有多啦,估唔到我鍾意左你咁耐,
呢100日,得個一日令我覺得同你最開心最接近,就係得個一日,記得個一日,心跳得好勁..
之後就係接住既1個月有多既痛苦時間.個一個月真係好難捱啊..
你又唔係度,就算係度又唔理我,面阻阻咁,真係好辛苦..
不過有宜家咁辛苦嗎?!知道你有左第二條女,真係好傷心嫁..
呢個禮拜咁頹都係因為你,但你會知嗎?!
我話過頹埋今個禮拜就要努力番讀書,希望我真係可以啦,我唔想令自己同人地失望啊..
我都要堅強,要開始習慣冇你既日子,不可再俾你牽動我既情緒同心情,不可俾你一舉一動吸引,
如果可以的話..希望我真係可以做到啦..
但相信會好困難,每見到你對我好一次,我總會心軟,我就是這樣矛盾的了...