今日7:00先起身,起身好凍,換衫紮頭髮,老豆車,落大雨都唔洗驚,濕左好小..
交電話,番課室,交功課溫英文,做英文做讀寫幫miz lai點簿,早會..
英文,容sir冇番,第一堂miz 楊上,睇咩健康食品..
第二堂miz梁上,做自己野,都係睇書,好眼訓好眼訓..
小息,同魚一齊拎簿上去,之後陪魚等miz lau,搵完之後番課室見到ck,
陪佢去art room叫番d人番課室上堂,楊sir睇相,我就睇書..
之後佢又講埋一大篇既理論,講真呀..次次聽親佢講都係嬲囉,認同既真係小,
講真..做d唔好既作品就叫幼稚?!你又知人地唔成熟既?!你只可以講人地未做好,
做得唔好個d,但你冇權話人地d作品幼稚囉,咁波兒點計呀?!你介唔介意解釋下?!
仲有..你話人地乖個d既idea唔好,我想講..每個人都有優點/自己鍾意做既野,
你呢個樹既功課,我係做唔到,唔識做,冇idea,so what?!係因為我對呢個冇興趣嘛,
咁代表d咩?!唔鍾意的話,你點迫自己去做都做唔好嫁啦,點可以話乖既冇idea?!
咁我之前水個個又如何呀?!你話我做個個作品既時間壞d,宜家乖d呀?!多餘啦!!
真係好唔鍾意佢個d一句說話打沈一船人囉,話人地幼稚wor,我幼稚wor..我邊度幼稚呀?!
我經歷妁多你又知唔知呀?!我成長既多,一個人背負幾多你又知唔知呀?!
而且..佢d語氣真係好過份嫁有時,我認同佢話經歷挫折先可以成長,呢個我係認同既,
冇錯,我自信心係強,係有時都已經俾佢嚇到冇哂,
我自信心都係因挫折而起,我係一個外表堅強內心好脆弱既人,應該係..
講完佢既野就小息,但已經打左鐘嫁啦,都係係課室..
音樂,睇個個片,竟然冇眼訓,應該真係幾好睇的..
電腦,課室上,梁sir坐正係我前面好有理逼感..
lunch,買飯,同suzanne叮飯,課室食,食完去toilet,榮光再行行,
早知我唔講出對楊sir說話既感受,因為我一早預左會有咁既後果,但人地一講開我就忍唔住好嬲咁講,
我知楊sir都有讚過我,但我係對於佢所講既說話,點知都係俾人唔跳點咁,我扮野嗎?!
我唔係囉,我只係講出我既感受,但偏偏每一次都係咁,真係好無奈好傷心,好似冇人明咁..
真係算數,下次唔好再講,廢事俾人唔知咩感覺咁=(
完左番課室社論,冇去當值,好攰..
science,quiz,基本上都係放棄嫁啦,完全唔想溫,做個陣基本全部唔識,寫完之後都係訓覺..
講書,好悶,做實驗,好白痴,佢問我問題個陣咁岩我攰到就快訓著,搞到我答到9唔搭8,勁俾人笑-,-
放學都係係課室等,中文補課,悶悶悶,做完對答案都係改改改..
拎電話走人,拎完電話唔做做咩呀?!敖sir咁搞笑既..
行粉嶺,自己行番屋企,咩都諗一餐,之後見到個兩個鬼仔,我第一次見到外國人會驚,
因為佢地係之前suzanne所講既唔知咩教派,而且會不停向人講講講,咁岩條路得我一個人,
我好驚佢地會走過黎同我唔知講咩,幸好係冇既,可能見我著校服啦,但其他人就不停俾佢地叫停~
番到屋企睇電視,用電腦..