今朝訓醒係度傻笑,原因係因為發左個好夢..

我發夢見到你上台拎獎,之後你望住台下既我,
問我做咩唔俾個祝福你,我問你想我點祝福你,
你話叫我做你女朋友,我感動到喊..
之後你跳落台,攬住左我,攬到好實好實,
個一刻我好溫暖,我好希望你永遠唔放手..
之後你放開手,我以為個夢咁短,原來唔係,係因為有好多人望住我地,
有d人話幫我地影相,之後你就一手攬住我條腰,我地兩個塊面貼到好近咁影相^^
訓導黎左,佢問發生咩事..
敖sir見到我同你攬實左,之後呆左陣,之後笑左笑就走左=)*好唔岩邏輯
其他老師黎到,見到之後都係呆,之後開始鬧,
但我地兩個唔驚,仲十指緊扣,表示我地既恩愛..
d老師都冇理我地啦,仲祝福我地,又叫你好好對我=)
之後我地手拖手行出學校門口,我地拍拖成為好自然既事,我地成為學校最恩愛既一對^^

呢個真係一個好夢,特別係俾你攬住個一刻,真係覺得好溫暖,
仲以為你個一刻就係攬住我訓覺咁,個種溫暖感覺難以忘記..
我地既敢愛敢為,都令到我自豪..

當然..如果能夢想成真就最好啦=)