今年嘅農曆新年係2月份,加上之前嘅聖誕節/元旦, 大節過後,好多人嘅身體狀況都會轉差. 主要係因為其間會食多左(可能係打邊邊, BBQ, PARTY), 又飲酒, 玩到通宵達旦,皮膚會差左, 身形又會走左樣.係時候要保養下, 如果唔係嚟緊嘅夏天就要同陽光與海灘絕緣嘍(無謂影響其他人嘛).

係上月中出席左由《旭茉JESSICA 》舉辦嘅J-Club會員─「健康．美體．秀髮」分享會, 聽下專家意見, 為嚟緊嘅夏天做好準備先

第一次去到北角港島海逸君綽酒店.

活動係宴會廳度搞

去到門口, reception位已經放滿小禮物

仲有抽獎箱, 投票填好左名同電話嘅咭仔, 就有機會抽到大獎, 禮品總值接近港幣$10,000呢~

場地都幾grand

有飲品提供

MC係香港電台嘅名DJ阿貓(可惜我係903嘅死忠fans, 其他台嗰d唔多識).

分享會一共分左3部分, 由唔同嘅專業人士去分享

專題一：健康專題─如何以醫療保險保障健康

由英國保城嘅區域經理 Eric提供市場上嘅醫療保險嘅資訊,有咩唔同類型嘅計劃,可以為自己嘅健康保障作長遠嘅打算

專題二：護髮專題──抵抗秀髮衰老及剖析各項頭髮問題

由史雲遜女士護髮中心嘅髮理學家Eva去分享

原來唔止男士會有中年脫髮嘅情況,女士都會, 不過原因同男士有所不同

除左精神壓力外,仲可能會係因為懷孕,分娩,更年期,婦科問題等,都會導致脫髮情況出現

要防患未然, 均衡食之餘,仲要使用適合嘅護髮/美髮產品

頭髮對外表嘅影響力非常大, 所以真係要好好護理, 唔可以忽視

即場仲有counter可以用儀器check返頭髮同頭皮狀況, 我嘅測試結果還可以呵...

專題三：塑身專題──預防節日後暴肥之極速解決方案

由瑪花纖體嘅英國註冊營養師Alan解答點樣係節日後暴肥進行修身行動.

首先要了解自己嘅BMI (教埋點計)同體型類別(蘋果型定啤梨型)

之後係點揀飲擇食,選擇低脂/低卡路里嘅食物

當然運動都好重要啦

現場都有counter可以check返身體情況

每個環節都有Q & A 穿插, 可以問下嘢

跟住係大抽獎, 有史雲遜女士護髮中心送出嘅 2 set嘅 療程+禮盒 同埋 瑪花纖體滋養修護乳液 X 2. (可惜唔中..)

咁唯有食下嘢啦

最後就攞左呢D(佢話)總值港幣$1,600之紀念禮品返去

電動按摩梳係做頭髮頭皮分析嘅禮品

另外有瑪花纖體免費TREATMENT一次

史雲遜女士護髮中心HAIR TREATMENT一次　＋　產品試用裝

係時候KEEP下喇...期待夏天嘅來臨(船河我嚟啦~~~~)