夏日炎炎,除左正好眠外,最熱愛嘅就係去玩下水, 海灘/船河一定走唔甩.

早前就去左今年第一個船河,同陽光玩遊戲,唔少得嘅隨身物品必定係防曬.天氣已經好熱,玩起上嚟仲會流晒汗,所以防汗得嚟清爽透薄嘅防曬,
市面上真係唔多.

記得以前用過某D防水嘅防曬,立到漿住晒D皮膚,又洗極都洗唔乾淨, 一個唔覺意,敏感就會隨時出現.

陪同出海嘅新歡 - Ocean Potion抗老化防曬乳液+100%純蘆薈啫喱,唔單止對抗紫外線嘅傷害,仲連曬後嘅肌膚都照顧周到

Ocean Potion產品嚟自美國嘅Sun & Skin Care Research Inc. (SSCR)公司,已經有廿幾年嘅歷史.

今次用嘅Ocean Potion抗老化防曬乳液SPF50

性質溫和,不含PARABEN成份,不含香味,有維他命D3同海藻萃取精華,連BB都用得.加上含有Parsol 1789獨特配方,有效全面阻隔紫外線.

白色嘅乳霜

搽上去唔會黏立

好快吸收晒

完全無出現白色一層嘅情況

SPF50度嘅防曬,其實已經係足夠嘅.不過大前題係要定時補搽防曬,大約每2小時就應該補搽一次

呢個動作我係有做嘅, 不過就做漏左,就係唔記得手背都應該要補搽架!!

結果,玩左成日,個身無事,塊面無事,唯獨係手背曬到紅左

100%純蘆薈啫喱要出手喇

唔含酒精,不油不膩,可以舒緩,修護日曬後嘅皮膚

搽上去係冰涼嘅感覺,非常水潤

厚搽都係過一陣就吸引,完全唔立,

曬到紅卜卜嘅手背,都無之前咁熱辣辣嘅FU..

朋友直情曬傷左背脊, 搽左都明確見到舒緩左

今個夏天就靠晒Ocean Potion, 不過要記得補防曬,真係好重要