由細到大,包包面纏身,細個就成日俾人搣塊面,大個就搞到完全唔鍾意影相(上鏡塊面x2,塞爆個鏡頭),無論個身幾瘦都好,依然包面纏身
雖然近年打BOTOX甚至手術整形都可以K.O包包面,但暫時都未過到心理關口,唔會考慮住,咁..包面真係無藥可救?!
廿多年歷史嘅頂級美容院奵屋,上月推出左最新嘅微整形醫療技術 － 【IRF冰極射頻膠原塑形】療程,配合【幹細胞修復面部護理】,打救包面一族.
奵屋由1982年開業,設有男女專部,深受日本傳媒&美容界推崇.曾有多間日本美容學校,多次安排學員到奵屋進行技術交流,交換服務心得,對各方面都有高度評價.而為絕對保證服務質素,奵屋堅持不設分店,只此一家,就係交通極方便嘅銅鑼灣,一共佔地三層.
一步出電梯轉入前台
職員即時招呼我去到consultant room
今次做嘅係醫學級嘅treatment,所以未開始之前,顧問先同我坐低慢慢講解療程嘅詳情&當中嘅風險
以往嘅RF射頻療程,將熱能推到真皮層,做到增新膠原,收緊肌膚,不過就未必真正做到瘦面嘅功效(2年前曾經真金白銀買過COURSE,可惜包面仍在. )
最新嘅【IRF冰極射頻膠原塑形】,利用冰極單極及雙極射頻,配合紅外線技術及加強版冷凍系統,等熱能可以進入深層皮膚令膠原快速重生,
撫平皺紋,緊緻且提升臉部肌膚。而且IRF冰極射頻可以深入脂肪層,溶解脂肪細胞,再重組脂肪,推走多餘水份,將積聚嘅身體廢物推去淋巴位置
隨身體自然排出,為面部去除多餘脂肪.
另外冰極RF加入左強效冷凍技術,將溫度降至零下5度保護面層皮膚免受損害,絕對可以避免係注入熱能嘅時候,燙傷皮膚.
特點
* 增加膠原，減少脂肪
* 射頻深入皮膚40mm，直達脂肪層去脂
* 強效冷卻系統 -5C，安全無痛
* 即時緊緻肌膚，改善鬆弛
* 淡化眼紋、皺紋
* 射頻+紅外線，加快效果
而且對我嘅生活習慣/病歷等等都問得好清楚,確保合適做呢個treatment.
之後經過放滿唔同醫學美容產品嘅走廊
嚟到treatment room
用具已經準備好
因為係醫學療程嘅關係,所以只需要潔膚,落左D防曬/化妝
之後就將兩極嘅其中一極(鋼板),搽上暖暖地嘅GEL,再"攝"係背部,作為導出
冰極單極頭,表面嘅溫度係-1℃
先做右邊面,搽上GEL
用冰極單極頭由頸至面頰去按摩,推散面部脂肪&去除多餘水份
再到左邊面
成個程大約15分鐘左右,完全唔覺得痛,只係有冰凍嘅面部按摩/推拿FEEL
塊面紅左少少
跟住就係雙極射頻"槍"配合紅外線去將熱能注入真皮層,同時重整脂肪
全面都會塗上GEL
次序係右邊額頭→右眼→左邊額頭→左眼
到右邊頸→面→左邊頸→面→鼻→人中
成個過程大約35分鐘,無任何痛楚,只會聽到D"咔嚓"聲,同"FEEL"到閃燈
抺走D GEL後
同療程前嘅分別
膚色明亮左少少,塊面睇落細左D
最後做埋【幹細胞修復面部護理】
呢支就係複合植物幹細胞精華
可以觸發皮膚幹細胞不斷自我修復及再生,加強皮膚活動能力.當皮膚儲水能力增強,變得更飽滿,肌膚緊緻度自然提升,突出面部及頸部輪廓
治療師用輕按方式塗搽幹細胞精華,加強瘦面效果
搽埋眼/面霜+防曬
完成
美容顧問仲俾左Is Clinical嘅清爽補濕精華+緊緻美肌複合精華乳霜返去為肌膚補水&keep住瘦
由於treatment係深入肌膚底層,激發細胞活躍需時,所以見效期唔一定係即時,返而係2-3日後.
又真喎..比起treatment當日出門前影嘅相,明確緊緻左,仲細左一圈. 包包面唔使打botox都有望得救喇
|
