大部份返OFFICE嘅人士,由朝到晚都需要對住電腦/文件工作,有時真係會對到好眼瞓,特別係午飯後,睡魔隨時急CALL.有人會選擇飲咖啡/奶茶去提神,相信有更多嘅人會揀食零食.
糖,朱古力,餅乾,薯片,蝦條,百力滋,話梅....(下刪 N 樣),當中好味嘅,多數都唔太健康,日坐夜坐,只怕越食越肥,又要諗計去減磅.
近日就係7仔同WELCOME發現健康好味又有益嘅零食新選擇 - JOLI加州西梅.剛好有得試食,真係時間啱啱好.
一共有10包,每包有50G
西梅最出名嘅功效,非通便莫屬.含豐富膳食纖維,令食物停留係胃部時間增長,緩慢胃排空時間,促進腸道蠕動,有「腸道清道伕」之稱.對防治結腸腫瘤、心血管疾病都有幫助.一包嘅分量已經有3.5G膳食纖維,係同等分量生菜嘅6倍.
除 左豐富膳食纖維外,西梅仲含豐富嘅花青素,植物營養（phytonutrients）,包括胡蘿蔔素（carotene）,多酚 （polyphenols）,植脂醇（phytosterol）,維他命A,維他命C,鉀,鐵等等,當中嘅“綠原酸”,能有效抑制自由基,降低體內壞膽固 醇（LDL),有助預防慢性疾病如心臟病.而且抗氧化一流,係大部分蔬果之冠.
JOLI加州西梅係以密實袋型式包裝嘅.
撕開之後..
內附一支膠籤,好貼心呀.點食都唔怕弄髒手指.就算出街邊行邊食都好方便.
一包大約有10幾粒
食落唔會太甜,每100g西梅嘅糖份只有38g,即係一包得19g, 卡路里都只係120kcal
而且好有咬口,果肉依然帶D爽口,食左大約半包已經有飽肚感,唔會好似一般零食咁唔飽肚,結果就食唔停.成包食晒差不多等於一個下午茶餐.
食左之後,第二日去便便比平時更暢順
一包都只係賣HK$8.9,同一包中薯片價錢相約,JOLI加州西梅健康又有益,絕對值得回購.其他嗰d零食,為左健康著想,真係小食為妙.
|
