近年有機風係護膚界越吹越熱, 之前都曾經有使用過某幾個牌子嘅產品,先知道原來有機都有分級數架. 有d產品係有機,但未必係100%有機.

嚟自英國嘅100%有機護理品牌Balm Balm,最重視100%天然有機成份,因為品牌堅持惟有最天然、有機且單純嘅成份,先可以帶俾肌膚零負擔滋養. 所有產品都以簡潔、天然方法研製而成,通過兩項歐洲權威驗證 “The Soil Association” 及”The Organic farmers & Growers Association”.

最近就有機會用到當中嘅Rose Geranium玫瑰天竺葵系列嘅2款產品,同埋潔面系列

護膚第一步,當然係潔膚啦

先用Super Light Coconut Cleanser椰子油不傷肌膚潔面乳

由椰子油精華提煉而成,性質輕盈溫和,適合糼嫩肌膚,可以用嚟卸妝. 用機械方法以初榨椰油提煉分餾,提煉過程絕不使用任何化學物質，成品質感輕盈,可輕易用清水洗淨,唔會為皮膚帶嚟負擔.

倒係手度,係無色無味嘅. 質地只係比水傑身少少,好似BABY OIL咁.

搽左BB CREAM皮膚,用佢嘅卸妝,會係點呢?!

以指尖輕塗面部及頸部

再用濕潤化妝棉抺去

我嘅膚質係T字位油,兩頰乾. 用完Super Light Coconut Cleanser,皮膚感覺乾淨得嚟唔覺乾,但T字位就會有少少油膩感,過多次水就會好D.

相信乾性肌會極愛,混合肌就過多次水會感覺爽D.

拍返化妝水後就當然要搽返面霜啦

呢款Rose Geranium Face Balm 玫瑰天竺葵面霜,據聞化妝師Gary Chung同徐子淇都係其粉絲.

具有高度深入滋潤補濕功能,高度抗氧化功效,復原受損細胞、活化更生肌膚,重整彈性膠原組織,舒緩幼紋乾紋,深入補充水份及營養,令肌膚保持柔軟潤澤.

質地係膏狀

係手推開,就感覺到D植物精油慢慢滲入皮膚

成份包括有:

玫瑰天竺葵(Rose Geranium)：增強肌膚美白,舒緩抗發炎,平衡皮脂分泌改善毛孔阻塞、凍瘡,令蒼白皮膚紅潤.
乳木果油(Shea Butter)：使皮膚滋潤鎖住水分,修復肌膚
荷荷芭油(jojoba): 柔軟肌膚、滋潤、鎖水
向日葵(葵花子油)(Sun Flower): 含較多維他命E,防止不飽和脂肪酸在體內氧化,有助於促進毛細血管活動,改善循環系統
金盞花（calendula）：舒緩肌膚,愈合傷口
蜂蠟 (beeswax)：滋潤密封劑,對護膚品有抗菌、抗霉能力
另含有胡蘿卜素,被人體吸收之後可轉化成維他命A,預防皮膚干燥

搽上面

開始時會覺得潤左DD,不過當佢完全吸收晒之後,就無呢種感覺. 呢支Face Balm係冬天用簡直一流.

散發住淡淡嘅植物精油氣味,無任何人工香料. 除左面部,有需要都可以用嚟搽咀/頸/身體.

照顧好面子,都唔可以漏左雙手.

到Rose Geranium Hand Balm 玫瑰天竺葵手霜

打開..咦..好有"豬油膏"feel..

成份 : 乳木果油,金盞花油,荷荷芭油,天然玫瑰天竺葵,葵花子油,蜂蠟

內含有豐富金盞花油、乳木果油及可可巴油,修護手部肌膚乾燥及過敏問題,強化肌膚天然抗菌消炎功能.可可巴油深入底層滋潤補濕肌膚,特別加入嘅玫瑰及天竺葵精華油,可以活化更生手部肌膚，修護幼紋及皺紋現象

心急嘅我用指甲將佢挖出嚟

膏狀質地, 分量唔使太多住

推開就好快被體溫令佢溶化

雙手搽完潤而不膩

所有皮膚種類(包括敏感性皮膚)都啱用,而且全身都用得

100%有機嘅Balm Balm,真係同之前用過嘅有機有唔同架.第時買有機護膚品,都要睇清d睇真d呵.