香港嘅秋天特別短暫, 要嘛就依然炎熱但乾燥, 要嘛就轉眼變冷而乾(甚麼季侯風..), 護膚都要用上相對比較保濕滋潤D嘅產品, 要KEEP住妝容輕盈貼服,水潤無瑕好氣息, 彩妝都要換季呵~ 簡單兩、三步, 就可以做得到, 只要用對產品. 擅長融合剪裁唔同布料嘅Mr.Giorgio Armani深信，唯有最好嘅布料，先可以打造出完美華衣，佢將對時裝設計堅持，同時運用係臉部肌膚上，合適恰當嘅超卓彩妝, 就好比著上Giorgio Armani嘅高級訂製服, 令一眾女士們擁有讓人永誌難忘嘅優雅妝容.

先謝過美美PR送嚟嘅3款Giorgio Armani Beauty皇牌產品, 為今個秋冬添上瑰麗妝容, 塑造無妝感完美底妝. 包括有: Maestro fusion makeup SPF 15粉底液, Rouge d'Armani Sheer唇膏, Flash Lacquer唇彩, 以神秘黑色為包裝~


十多年前Giorgio Armani嘅首款粉底融合Armani Glow神奇魔力，改寫左美妝界對底妝嘅定義, 經過8年時間研發, 以Maestro-fil™ 專利科技研創出Maestro fusion makeup SPF 15粉底液, 憑藉「革命性精油配方」, 超越一般由水、油、粉體組成嘅底妝,可以輕鬆創造出完美妝感.


用前要先搖勻?!


首創護膚品式滴管設計，時尚橢圓形瓶身搭配漆黑色滴管，感覺就好似用緊精華液一樣

質地亦好似水水嘅精華,極輕透, 延展性佳, 薄到仿如自身嘅第二層皮膚咁.


呢種無可比擬質嘅精華，全因嚟自Giorgio Armani獨創嘅3大科技成分：

♥. 不含水，更保濕: 精選5種專利植物精華, 包括富含抗自由基物質與保濕因子嘅 「白水蓮精華」，用嚟完全取代一般粉底配方中嘅水,避免粉底內水分
蒸發，將肌膚水分帶走，導致愈上妝愈乾嘅困擾；加上植物精華接近表層皮膚特性，帶來長效保濕效果，令妝感絲柔薄透
♥.無粉體，更完美: 含量高達11%嘅「液態絲柔光科技」因子， 可取代傳統粉體嘅獨家科技, 令光源唔會被吸收, 而係完全反射, 煥發光感.
無粉體配方亦可避免粉體吸收皮脂後變色、暗沉等問題
♥. 超融合，更親膚: 獨創「超融合科技Fusion Technology」, 讓5種植物精華成分與液態絲柔光科技因子，完美融合成極度親膚嘅精華液質地,
所有女性都可以用指腹上妝, 粉底同肌理徹底融合，即使反覆重疊上妝，都毫無厚重面具感


未上妝前, 皮膚狀態尚可, 但係毛孔粗大明顯


先上半邊面, 感覺水潤保濕而輕盈, 一推開就即時融入皮膚中, 搽精華咁


上埋另一面


毛孔變得細緻唔顯眼, 妝感啞緻貼薄, 極對追求裸妝人士嘅胃口

底妝完成後, 要有更好氣息, 可以用上胭脂或唇膏, 用上Giorgio Armani嘅Rouge d'Armani Sheer唇膏去突顯女性嘅獨特個性


沿用前款奢華美唇訂製唇膏設計：雕刻紋路、獨特雙橢圓管身、摩登黑色亮漆金屬，搭配質感卓越嘅無聲磁鐵開關, 中央銀色環更輕盈明亮，突顯唇膏本身透亮特質


用上嘅係507色


淡淡嘅玫紅色,  色彩飽和


塗上乾燥嘅咀唇, 帶出晶瑩透亮嘅水漾光澤, 顏色剛好, 感覺柔潤保濕. 

關鍵在於所運用嘅頂尖科技：

★高保濕: 獨創「豔色水漾科技Color Shine Moisture Polymer」，能捕捉並保留2倍涵水量，係雙唇表面形成細緻不黏膩嘅薄膜，為唇部補充保濕精華，令唇紋、凹陷等瑕疵獲得改善，變得飽滿潤澤。
★超亮澤: 比擬高級唇彩嘅無色透明基底, 強化唇瓣明亮感；搭配「漆亮光澤因子」色料，讓唇色效果更亮麗，唔使添加珠光成分，一樣展現飽滿亮麗光澤。
★ 極舒適: 蘊含絕妙比例油脂與護唇蠟嘅「柔嫩護唇乳霜」成分，好似潤唇膏咁，質地輕盈而柔潤保，打造細緻柔滑美唇。

如果想唇妝更閃爍, 可以加上Flash Lacquer晶亮高清水潤唇彩


同樣用摩登黑色嘅包裝, 呢支係302色 (一共有18款亮麗色調呢~)


絲絨塗棒設計完全貼合唇部弧度


全新配方形態及光芒記憶複合因子 (Shape & Shine Memory Complex) 科技,
顯色度高, 非常順滑


塗上雙唇, 感覺滋潤唔黏笠


唇部表面織造一層富彈性嘅晶透薄膜，令雙唇持久閃閃發亮, 營造更強反射效果

簡單自然嘅精神淡妝, 完成~