今日，本來返學都冇咩特別野∼靜係知道偉哥今日搬左屋，之後就冇野發生。

返到屋企．．都阿媽返黎，本來都好好地，都冇野事。

佢叫我星期六要返民安隊，但係，我不嬲都唔想返嫁ｌａ，之後就同佢鬧交。

我由細到大，咩都由佢管，我覺得我好似冇晒自由咁，思想又唔開放，我真係好唔開心ｌｏｗ，

佢成日覺得自己做既野係ｏ岩，佢要我返民安隊，唔係就要返大陸讀書，我一時係覺得佢好衰ｌｏｗ！究竟，佢做既野係唔係ｏ岩，應該由佢自已去諗，做人阿媽，我相信，佢地一定會想自已個仔做得好，但係又係唔係應該過份去迫子女做一Ｄ佢地唔想做既野呢？

我就認為一Ｄ父母過份迫子女做野，係唔係又會等如害左佢呢？

幾年前，阿爸過左澳門做野後，到左宜家，我一直好唔開心，因為我知道我阿爸做錯野，而我阿媽就一直想同阿爸離婚，ｅ幾年，我差唔多每次訓時，都會喊，我喊左好多年ｌａ．．佢地兩個都好似冇理過我感受，我靜係想一家人，安安樂樂咁一齊玩，一齊過。

而我每次過到澳門玩時，返黎，阿媽又好似好唔開心咁，但係，如果我唔過去，對我阿爸都好唔公平。

阿媽成日話我冇站係佢立場個邊去諗佢，咁但係佢又有冇係我ｅ邊去諗我呢．．．呢幾年，我覺得已經生活係一個單親家庭到，由（個）年開始，我已經知道發生咩事，我一直扮唔知，其實，由阿媽開始講佢個日，我個心一直都唔安樂，而佢又有冇諗過一過（１０）歲既小朋友站係兩間既中間係幾難受，佢有冇同我真心傾過。

我都知，如果冇左個老公係一件好難受既事，又要擔心我，我知。但係每次阿媽因為唔開心，都好似搵我出氣咁，做子女係唔係一定要做呢個角色呢？講真，我個心可能難受過你，每次比你出完氣後，都要睇你面色做人，其實（你）有冇諗過係幾難受，作為父母，係唔係應該去諗下呢個問題呢？我受完氣，我又應該向邊個出番呢口氣呢？

我之後都冇咩目標，但係我認為我１８歲就搬出去住係我既目標，到左佢宜家又話唔ｏ岩，我真係唔想咩都又佢幫我安排呀！我都想要自由，唱ｋ、去遠Ｄ玩又唔比，宜家年代既人都會去嫁ｌａ，我就唔覺得有咩咁唔去得囉。而佢既理由就係會學壞。咁我都冇野好講。

咁，你有得選擇，而我又點解唔可以選擇呢？所有野都佢又佢安排，唔好話我話我阿媽呀，我覺得咁做係唔應該囉。

民安隊，我認為係某Ｄ人既心中係一個好好玩既活動，但係好明顯係我心中就唔係。唔返就要返大陸讀書，試問有邊個阿媽會咁對自已個仔。

重有，同女仔玩就係溝女。好，你咁講我就冇野好講，但係，我覺得你就唔應該成日ｃｈｅｃｋ我，我個ｍｓｎ登出左，你又登入返黎睇我同邊Ｄ人玩，我整個日記，佢又要睇。好，咁你未睇到久ｌｏｗ，我今次既日記係我既心聲，唔該睇左之後要重新了解我。

你認為我講每句說話都係頂你既，咁不如等你了解我先再說番真心話。

我同你之間根本有一道牆，不如一人行多一步，去打破呢道牆。

我好相信吳太講既野，如果有目標就要去達到，我認同。每個重犯就算犯左重罪都會諗番阿媽先，我都認同。但係，兩個人立場唔同係冇得傾嫁，所以我就產生左ｅ個目標。