有好多人去冰島都係為咗去睇極光
而我一開始只係純粹覺得冰島好似幾得意
唔知頭唔知路咁就去咗
我去到第一記事就覺得果度d野貴到痴線
連subway 6inch都要成800isk lol真係冇返咁上下都咪去Iceland
食完個subway做晚餐之後
我地就去咗跟團係首都雷克雅未克附近睇極光
呢晚真係學到好多野，原來綠色嘅極光係因為O2，紅色嘅極光係因為N2
不過呢晚終於體驗到咩叫冰島嘅凍，就算我上身著曬羽絨、防風褸
下身著防風褲，再戴埋頸巾、冷帽、防水手套都唔夠做
每當我想拎隻手出黎影極光果陣，唔夠十秒隻手就好快凍到冇知覺
仲有呢晚我好深深睇會到一樣野，就係我好想要一部專業嘅相機haha因該用手機真係完全咩都影唔到咁濟
睇黎遲下真係要搵我莊員張樂山學下野，買返部canon，佢好似話$8000有交易咁講wor🤔.....
到咗第二日，我地晨咁早起身食完個美味早餐之後就去咗騎馬
（ps酒店早餐真係好食過lewes study lodge好多陪）
對男人黎講，騎馬就簡直係攞自己嘅生育能力黎教飛，隻馬每跑一下都係蛋疼嘅覺悟
我果隻就仲衰，有好幾次佢直頭想將我登落馬，果下嚇到我唔敢再踩佢油haha
不過認真我都幾享受呢個騎維京馬仔嘅過程
至少我都響雪中騎馬騎咗成兩個鐘，真係唔係人人都試過:)
騎完係馬場附近食咗少少野，我地就去咗golden circle睇geysir噴泉
第一眼睇落去果大噴泉噴水果下真係好震撼
大到成舊蘑菇雲咁，不過佢實在太耐先噴一次
因為我冇咩耐性所以好快就走咗。之後去咗睇個大瀑布同條大河
不過可能因為朝早騎完馬太攰，我都係好快打完個卡就走咗返旅遊巴瞓覺
一路瞓到夜晚返酒店
呢日個團完得比較早
所以我地夜晚有閒情去首都一間出名嘅小店食海鮮
叫咗果間店最馳名嘅龍蝦湯同三串燒魚加鯨魚肉
我個人覺得燒魚始終都係三文魚加鹽加胡椒最好食，鯨魚肉就略嫌韌咗少少
而重頭戲龍蝦湯就真係好好味，入面真係有龍蝦肉<3
食完又點少得飲野，果晚我地買咗當地一個好出名嘅啤酒Gull返酒店飲
可能係因為買咗light，得2.7%，我完全唔覺自己飲緊酒
不過呢隻啤酒完全冇其他啤酒果種苦澀味
我覺得仲易入口過日本果隻asahi，睇黎我下次真係要試埋原味5%
到咗第三日，我認為亦係呢個旅程嘅高峰
係呢日，我地識咗個當地嘅導遊David，佢嘅形象深深植根咗我對冰島人嘅睇法
一開車嘅時候，佢不斷熱情咁向我地介紹自己
話佢本身讀法律系不過因爲覺得太悶所以轉咗做導遊
（可能因為冰島嘅犯罪率實在太低，全國最大嘅監獄都淨係得50人）
不過我都幾羨慕佢可以做到自己鍾意做嘅野
因為前一晚飲酒飲到3點幾嘅原故，我果日成朝都好攰，上到車冇幾耐又瞓咗
一起身嘅時候，david正同我地講緊依家大家正在去Justin Bieber mv入面果條大瀑布
大家在離大瀑布遠少少嘅地方落車
先走到一條山間入面嘅瀑布，全程都要涉水而行
我對timberland搞到有些少入水不但止，我對手已經凍到有少許痛
不過又驚成個人仆落河度，所以又唔敢放返隻手入衫袋
喺山洞入面影完幾張mk瀑布相之後又好快去咗個大瀑布
今次我地直頭有得走入瀑布後面影相，啲水落到地平線上就散成細水點
望上去極似一場濃濃嘅大霧，真係何其壯觀
我都特意坐落正正瀑布底傍邊嘅一舊大石，以感受一下冰島嘅仙氣
搞到雙手都就黎凍傷之後
我地又去到當地一個頗為出名嘅沙灘，Black Sand Beach
顧名思義，呢個沙灘嘅沙都係黑色嘅
好似廢話咁，不過呢個沙灘特別嘅地方在於佢果度嘅浪——Sneaker Wave
聽聞呢個海灘就係全冰島死得最多遊客嘅地方
因為果度嘅浪望落雖然唔太大
不過大家通常都低估咗佢沖上黎嘅後勁
一沖都有成五六米咁遠，果幾個遊客就好不幸咁客死異鄉
周圍亂影一埋之後
我地就去咗沙灘上唯一嘅餐廳飲一飲連領隊都推薦嘅馳名羊肉湯
的確
野食一開始有人推薦通常都會品質差咗
我就個人覺得屋企煲嘅湯仲好飲
飲完我地又返到熟識嘅旅遊巴入面
之後飯氣攻心，大家混混噩噩咁行咗幾個境點就返咗酒店
返到酒店攰到一瞓低就瞓著咗
一直到第四朝，我享受完呢年最豐富嘅第三餐早餐之後又要搭車出發
講真，我其實最期待嘅係呢日，去ice cave嘅日子
雖然同我想像有些少落差，不過呢日都係我黎咗咁耐冰島最難忘嘅一日
第一站我地去到glacier lagoon——冰島最大最深嘅冰川湖
聽聞呢個湖嘅深度已經遠超紀錄所講果二百米
不過我就真係冇興趣試佢啲水究竟有幾深haha....
大家都隨便搵個有利位置影幾幅相之後
我就同朋友展開一場雪戰
我諗對於我地呢啲赤度上嘅居民黎講
呢次雪戰真係絕無僅有嘅機會
四周圍真係可以用白茫茫一片黎形容
一腳踩上去
啲雪已經高過曬我果對timberland，就黎到小腿嘅一半
搞到啲雪不斷倒流入我對鞋裏面
重點係其實對timberland仲要唔防水
痴線，真係喊出黎
我當堂即刻好想買返對防水salomon
大戰過後就黎到大家期待已久嘅ice cave環節
佢地真係準備得好充足
仲得登安排咗一架雪地專用車俾我地轉車入地質公園
係等車期間，david無啦啦落車攞個雪鏟
走去潑本身係第二架同團友玩緊雪戰嘅女導遊，真係笑死我
大家一齊落車懲罰完佢之後，專用車就差唔多黎到
不過好可惜david係因為唔夠位所以冇得上車，沿途我地就冇得聽佢啲笑話
講起地質公園啲路真係好誇張
可能早一晚落完雪
雪積到司機只能靠佢嘅記憶同路上少許嘅路標黎揸車
終於黎到ice cave
本身滿懷期待，戴住頭盔諗住入黎探險
不過呢個冰窖真係細到令我有啲失望
可能都係因為通住洞穴深處嘅道路無故冰封咗
我閒逛咗一陣都已經冇咗當時想探險嘅熱誠
不過認真講，個ice cave真係好令
果種藍色係完全唔能夠靠我部手機影得到出黎
所以我用手機影咗幾幅之後就決定用視網膜黎代替
好快我地又返到david果間車上面
點知俾我地發現車上面多咗個人LOL果個仲好似係佢女朋友
寓工作於娛樂，真係俾你估到嘅佢都唔係david哥
最好笑仲要係佢女朋友之後一直都仲跟住我地車haha
響附近一間酒店食完自助餐之後
我地一出發就開始有啲風雪
起初我地都冇乜點理會
點知佢愈落愈大
直到大家突然望到我地前面架旅遊車成架吹起翻側跌落路旁⋯⋯
無睇錯，係成架吹起咗OMG
我心諗
行前少少，可能翻側嘅車就會有兩架....
不過我地車上面嘅david哥真係故事入面古道熱腸嘅男主角
佢二話不說即刻揸到事發地點落車救人
最痴線嘅係
佢淨係得件冷衫
褸都冇件
都夠膽落去救人
設身處地
我諗我都一定會留係車上面等救援
認真唔係話我怕凍
而係當時我坐係車入面都有啲肴底
我第一次見架車嘅鐵皮會可以吹到震
係真係震緊
仲有個天窗本身緊閉
但有好幾次都吹到飛咗一半出去
好采我隔離有個真係唔怕死嘅人
好幾次解咗安全帶企起身拉返入黎
我第一次意識到安全帶係有幾咁重要
當然我已經係腦入面不斷預想
當架車翻咗應該點做
腎上腺素不斷擁出黎
但係把口一句野都講唔出
好似真係咁大個人離死亡最近嘅一次咁。。。
好采David好快返咗上車
安慰咗我地兩句
又將架車轉去順風嘅方向
叫我地做好最壞打算
將窗簾拉上
就算真係翻車
都冇咁易俾碎玻璃插傷
車上有個大肚婆驚嚇過後即刻好快真係喊咗出黎
而我望住車外吹到見到有一條條形狀嘅風
我除咗感嘆神所造大自然嘅力量之外
都十分好奇點解david落車都可以冇俾風吹起
好消息係吹翻咗架車上嘅乘客只係受輕傷
而救援隊架德國製裝甲車都係半個鐘後黎咗
我見到都忍唔住解開安全帶企起身幫佢影幅相
實在太型
跟住david又好快落咗去同救援隊一齊救人
我開始懷疑佢跟本係咪救援隊嘅一分子
不過講返起
原來所謂救援隊都係附近農民志願組織
冇一個係正識
但係咁甘願攞條命出黎救人
睇黎冰島嘅人民質素同文化都同香港差太遠
可能我都係應該要覺得佢地不過係一班憨居
而且自己生命安全只係俾一班非職業嘅人保護住
咁樣先襯得起我香港人嘅身分
最後我終於都走得入架裝甲車B)真係好感動
呢個真係一定人生百大值得紀念嘅𣊬間
俾人運到附近一間酒店暫避
係呢個濟留時間我只好攞啲明信片寫下
打發下時間
不過都仲有少少心有餘悸嘅感覺
等咗好幾個鐘先有得走
原來我地都算係好采果班
因為聽講我地俾人救走咗之後
路上其他車都翻曬
係得我地呢架冇事，真係超神奇！
若非咁樣，我地可能要全晚都濟留路邊間酒店。
P.S. david揸車帶我地返首都酒店嘅時候，我地又見到極光
唔知係咪劫後餘生都比較容易遇到好事haha
最後一日
我地因爲買唔到馳名露天溫泉blue lagoon嘅門票
所以我地決定去附近泳池浸露天溫泉
雖然細就細咗少少
不過落住雪浸露天溫泉嘅感覺都真係好正B)
P.S.冰島嘅熱狗好鍾意加炸蒜同洋蔥，都真係幾好食
後記：因為去冰島實在太貴，姑且俾我係度紀念一去不返嘅金錢
|
