好眼訓ar, 一早起身!

病咗咁耐仲未好番.阿青一睇我個樣就話我仲係好病, 其實我好番好多, 只是唔夠訓! (近排好夜訓) 我知我個樣都幾殘嘅!

今日去仲沙田. 番屋企等車o個陣時因為上錯方向嘅車而浪費咗我 $5.5....

嗚嗚....好唔開心ar! 明知我依家超級窮架la, 仲要咁玩我  ><.....唔製ar !!!!! 俾番$5.5 我!

我上車後同司機講我已經俾咗錢, 但佢依然好殘酷咁拍拍個八達通機: " 再拍過啦 ! " 好冷酷ar

好嬲ar !!  咁無情ar !! 於是我落車前後就一直黑面對住佢, 佢好像知道 ! 我條氣先順d (幼稚 ^^ )

為咗減少損失, 我係新莆崗落車直接行路返屋企 ! 下晏天氣好舒服, 天朗氣清, 和風徐徐. 一邊行一邊欣賞沿途風光, 心情也漸漸開朗! 原來沙田真係幾靚, 處處群山環抱, 綠意? 然! 但同樣景象我家附近也有! 所以, 就算走了半個小時先返到屋企, 但依照唔覺攰同悶, 其實, 有時咁樣行路返屋企都唔錯wor !