星期六燒槍前突然收到班長電話, 上課時間提前一小時,

下班馬上趕過去, 時間趕上了, 不過就餓了幾個鐘

預料天氣有變, 我們由原本分三輪燒變成燒兩輪

因為我可以ontime 到, 所以燒第一輪

今日每人燒子彈數目係54, 比上次又多了

上次48發我仲有大約2發唔你好夠力, 但今次, 無枉費我每日自我加強訓練, 日日練水壺, 練到手指都痺埋, 不過, 真係有用kar

我依家隻食指大力咗好多了, 好開心

不過, 唔知點解, 呢兩次有些少痴呆症, 多次reload時唔記得入彈

好彩好彩雖然被阿sir話, 但都無鬧到........好驚

星期六天氣真係好差, 中途落中雨, 第二輪燒緊的同學要冒雨燒, 後雨勢愈來愈大, 仲被迫暫停

天氣又潮濕又熱, 好辛苦, 護眼鏡好容易充滿霧氣, 白蒙蒙......真係蒙茶茶......?

差唔多下課時雨又傾盆而落.....熚sir搞笑地派我們每人一個黑色垃圾膠袋, 我們穿在身上

哈哈, 好搞笑, 成班黑衣人....

放學後我們o個team約咗之前因為要讀書而quit咗嘅組員阿富一齊出去吃飯

去到時代廣場聘珍樓, order咗一個套餐再另外加餸, 仲有同學拿出平時預備來應酬的兩支紅酒

好豪, 咁就食咗$280蚊~ 好貴呀!!

有小小心痛, 不過又確實幾開心kar!