今日公司的氣氛不止僵...還充滿炸藥味

二公子這排成日好"關心" C 女同事, 突然間好關心公司的事, 要知道C同事跟單的情況, 做過咩? 前兩日請假的假紙及病假紙也追著要過目

今日C同事和三公子上大陸去工廠, 他就追問大小姐C同事上去的原因, 做咩丟低公司D正經事唔做? 又要check 她的NOTE BOOK, 知道她帶返屋企, 馬上又質疑她帶公司財物回家. 接著, 仲當眾爆C同事以前跟三公子曾經拍拖.....

Lunch前兩姐弟在老板房內大吵....不歡而散

我們都好奇怪為什麼他近來對C同事咁在意....

下午吃完lunch飯回來,故事還未完

管家做和事佬, 和他傾咗好耐, 後來他們走出來, 好像在示範某d事發經過, 然後又進仕繼續傾

三點鐘大小姐回來, 但是二公子咄咄逼人....說話裡都係有骨...於是他們又關上門講數

不止幾次偷偷地偷望他們, 只見都係二公子激動地講, 大小姐主要在聽, 間中先加插意見

到後來聽到: " 你唔好再偏幫她....如果你再幫她, 我怕你連自己的地位都保唔住!"

又聽到, " 如果她聽日5點前唔辭職, 我報警!"

吓....咩事要搞到報警咁大件事? 我第一個想到的就是可能C同事對公司不忠 ?......滿肚子疑問?

差不多6點, 他們傾完出來...二公子叫了Panky進去...10分鐘後又叫了我進去

一進去, 他就跟我說對於今日g水事可能影響我們工作講聲唔好意思

接著他開始解釋點解今日咁火爆

事源上個星期六, C 同事拆完包裹後手持界刀走向他, 他界刀快要插到他的臉, 他好驚...好怕再見到她, 而且唔知道她還會唔僧咁做....

我跟他講可能是誤會...應該坐下來慢慢傾, 以免怪錯人後悔

....他不理我, 只是說他好怕見到呢個人, 以後就唔想再見他

後來, 他又講了一大堆證明C同事不好的事, 問我如果他明天要C同事離職會不會過份及對公司有沒有影響

我當然幫C同事說話, 因為她平時真的勤力工作, 唔像二公子, 遊手好閒...又懶...去了加拿大9個月, 什麼事都沒做過, 回來了也是在一邊做監督我們...煩死人

唉....不知道他是否真的被C同事嚇親...但我感覺他的說話裡充滿咗對三公子的妒忌

他抺殺晒C同事的功勞, 說她OT是做表面功夫, 她只是幫三公子做事, 不是幫公司......三公子肯落手落腳做, 甚至平時搬搬擡擡都很落力, 相反...就算大小姐叫二公子幫忙, 他只會扮見唔到, 間歇性白內障, 由我我們幾個女仔搬得上氣接下氣.....甚至兩天後在他的房間的窗上貼上catalog, 不讓外面的人見到他在裡面的情況.... 他還說二公子搬搬擡擡, 做埋d苦力做的事......真係cheap 人

所以...當後來他走咗後, 我們係office 傾呢件事時, 管家問我: 你覺得他係加拿大時公司氣氛好d定係返來好d, 我老實不客氣地回答: 加拿大. 擺明唔like 他返來

我又被panky 同他老公笑我死蠢, 咁老實..... 話晒管家都係他表姐

我不嬲都咁老實kar 啦....相反, 管家就保守得多, 不得不失, 看來....我又衰咗, 哈哈

不知道最後結果係點...但係要我揀, 我會留低做嘢的人

正如嚴生話: " 一個廢人; 一個做得嘢, 你話揀邊個? "

中! 咁就要睇老板點睇了, 係加拿大的他好像下星期一就趕回來處理這件事

C同事好像還沒知道這件事, 如果知道....是我也會辭職