一大早被一陣陣拖鞋聲吵醒....打開門, 見家姐滕來滕去打電話, 電話似乎不通
我問咩事, 她焦急地說:" 阿B嘔血呀! " 吓!!!!!!!!!什麼? 嘔血!!
我立即醒過來, 爬起床, 她給了一塊染了一個拳頭般大片血的沙布我看, 比我想像的嚴重
BB, 你咁細個人仔, 點解會有咁多血....是咩一點事? BB還在床上哭....看著很是心痛
" 我同你去睇醫生!"
於是, 簡單地收拾物件, 連同染血的布及剛換出來的尿片用袋子裝好, 一齊放好搭TAXI去醫院
BB 同媽媽都唔可以吹風, 要小心地穿著包裹
BB在媽媽的懷抱入面好像舒服, 沒哭了, 上了TAXI就開始訓著
我坐在旁邊, 看著閉上眼的BB, 心裡面很不安, 他的臉很安詳....但是我卻不想見到他訓著....那個念頭好恐怖
家姐也是這樣想吧...她摸奏他的小手, 又輕輕地將一隻手指放在B仔鼻孔外.....我定住....望住家姐的表情....沒有反應
這是好的還是壤的反應? 我快要哭出來...又不敢問
家姐重複了兩三次....應該沒問題...
後來, 我終於聽到B 仔的呼吸聲....他訓得甜了...暫時鬆口氣
去到醫院...終於見到醫生...問了一些資料後, 她先幫家姐做檢查, 然後再幫B 仔探熱, 聽疹...最後看看我們帶來的尿片
最後她跟我們說, 無咩問題, 可能是媽媽乳頭損了, 滲血, 被B仔吸咗.....
但是....沒咁多吧 ?
睇完醫生..好像還沒解決問題...很懷疑......
呢一刻, 我開始明白為人父母的心情.....
如果阿B可以身體健康...就算他要扭計, 抱住先肯訓的話, 我也愿意
如果阿B萬一有咩事, 我真的情愿那個是我.....開始知道點解有D父母好縱他們的仔女...只是他們能平安成長就好了
由醫院回家後, 我去返工, 家姐同我媽帶阿B去健康院檢查, 幸好, 醫生的結論是一樣的
希望只是改善喂奶的方法就會沒問題吧
|
