各位村民，我在此宣佈，我終於搵到工la

由8月中開始搵，搵到而家10月中，搵到真係好洩氣，經過呢兩個月，我相信見工係我ge弱項，雖然見過咁多次工，年頭ge頻能搵工+埋而家呢兩個月，我粗略估計自己見過接近50份，但我仍然找不到見工的必勝法，根本唔知點樣去說服別人請我..

我一直認為我過去兩年的履歷是我找工作的障礙，我的履歷怎樣不再多說了，加上我口才實在太"了得"，導致白見工乃是家常便飯的事..自己又冇咩特長，都唔知搵咩工好，於是就乜工都見，但又經常講唔出點解自己要做呢份工...同埋有一個因素，我之前係比人炒，我當然唔會講比人聽，但人地有權去check...check到ge話就又係冇望....

更有一件kai得不行的事，就是其實我9月份已經找到一份條件尚算ok的工作，是一份sale supporting的工作，但因為自己性格所累，左思右想下讓機會溜走了....當時咁岩金融海x爆發初期，而自己屋企真係好等我開飯咁滯，但自己居然冇考慮呢d實際ge問題，只係係度諗岩唔岩自己做，長遠好唔好呢d無鬼謂問題..最終冇左個機會...之後呢一個月就超大壓力，繼續頻能搵工之餘+上經濟越黎越差，都打定輸數要到下年先搵到。同時一路鬧自己抵死...一個人遇上風雨飄搖ge日子，咩野都會交左俾神明ge野去決定，我心諗到底係咪個天要懲罰我ge搖擺不定，之後重陽拜山又求阿爺阿麻保佑我快d搵到份工，仲同佢地講成功左ge話每月月頭都上去裝注香俾佢地，而家得左，我相信咁簡單ge承諾我唔會實行唔到~

我都未講我搵左份咩工，係kwai fong搵到銷售文員，不過其實係幫marketing手架，不過果邊未ready好，就幫住sales果邊手，公司係一間從事機械生產同銷售。自己一直覺得文員呢類工作係最適合自己ge工作，而家面前就有一個咁ge機會去嘗試。

見呢份工都用左好多口水...兩次夾埋見左兩個幾鐘..都揮都不錯的人工，但剩下落黎要處理ge問題係我ge自身問題，我好清楚自己工作上有咩缺點，粗心大意同冇耳性都夠我死，加上自己之前係比人炒，信心唔係一個高位，唯有盡量改善加埋努力，希望表現得好d，同埋呢份工係一年合約，一定要用表現搏轉長工，一年後社會會是怎樣，搵工易唔易，到時再算，但而家最緊要表現好，以表現搏一張長期飯票，務求令自己ge生活變得更穩定!!

下星期二就是返工的時候，加油呀!!!