3個月了，有驚無險咁過左probation，哇!!當中真係好多感受想講出黎，但之前又唔知點講，就而家短短地講下la

話說e份工真係呃番黎的，點呃就唔詳細講la，只可以同大家講，我話我係以前識d 簡單的account(記下debit and credit，出下invoice)，轉頭佢又受落wo，咁就請左我了

我負責要做ge account，包括有開票，仲要將公司銀行account每一個月ge transaction入哂落quickbook度，聽落好似好簡單咁，但唔係......咁事實上我唔係一個account人，冇account人ge做事方式，.所以第一次入，做得好唔順暢.....有好多野都唔識，....唔識在d tracsaction背後ge故仔，但幣在我又好少問俾我做果個人(佢叫強哥，是一個accountant)，自己試下入，結果第一個月ge數入到一塌胡塗...我睇得出強哥極度唔滿意........於是我勇於尋找自己ge錯誤，將第二個月ge數入好佢，睇得出都meet到佢要求，呢個時侯 (做左份工兩個月) 就發生左件大事了...我比人的左入房，好聽d叫傾計，唔好聽叫照肺，因為我第一個月d數入得唔好，請我番黎果個(叫fanny)同埋老細覺得我做得唔好，問我有冇其他野想做，又話account d工作可能唔適合我，冇account人ge sense，有意思唔繼續俾我做，我心諗..唔俾我做...同架空左我有咩分別，能力不被認同，亦會離被裁之路不遠...於是我力撐，可以俾多次機會我，我果時雖然好騰....但好信心咁講出呢句野，因為我知道我入數方面已經冇問題，我已經搵到做得好ge方法，就係問、問同埋問!! 於是之後經過fanny問強哥ge意見，佢地覺得仲可以繼續俾我做..事件暫時告一段落了

之前都講過，我都要用左d時間先適應乜都問ge文化，做起野上黎好似唔係咁得心應手，加上同d同事好似真係唔係好夾咁，我都唔係冇放過時間落去，但唔work就是唔work，唔同以往，就算係一間公司幾長幾短時間都搵到d傾得埋，但呢間真係做唔到e樣野..仲有，同佢地溝通上真係好有問題，我真係唔知道係我接收能力差定佢地表達能力弱.....

加上做緊ge野又真係咩人都做得，點解冇個degree就真係差咁遠 (或是我諗多左?)，但有時睇落有degree果d亦都唔見得好好，我公司.....有一個讀完酒店，一個讀完社會學，兩個大欖都扯唔埋，但就做埋同一個職位，.....e個社會，我真係睇唔透，即係我想講，有學位係身，前景都未必明朗，但我更明白的是，冇學位係身，前景就一定唔明朗......

所以在e間公司，情感上得不到滿足，不過你地問我做得開唔開心呀o唔ok呀咁，我個個都係咁答，我冇點care開唔開心，e家咁的時勢有份工打下已經好好，早幾日同vicky食飯chatting，大家都有差唔多ge睇法，我地一齊係verify果時，追求ge野，係工作上ge快感，能力被認同，與同事之間的良好關係...此等唔等使ge感覺。果時冇乜邊個冇諗過要係verify闖一番成就 (e個問題....到最後發現係唔會有任何成就闖得出黎)，但而家只係為兩餐，穩穩陣陣有份工打下都已經好好...

既然公司裡搵唔到做人ge樂趣，咁工餘去搵囉，但工餘時間真係好無聊，你有錢俾我去周圍fing下我又唔區，但我又無，間唔中一兩日周圍行下hea下，都彌補唔到心靈上ge不富足...搞到生活實在太乏味，有一刻覺得自己會變成抑鬱，因為個人係短時間內要面對以上此等麻煩問題...但我個人都出名樂觀，搵人講下都冇乜事..

入左e間公司之後，覺得自己d英文屎左好多，所以已plan左9月去學一年英文，其實此舉有3大用途，第一為進修，第2為攝時間，第3為不久ge將來去讀degree，其實讀degree e一環，講左好耐都未成事....我希望自己可以盡快決定讀d咩，有諗過讀account的，但始終要考慮清楚....而時間方面，當然希望越早越好，而最遲亦都應該係下年9月，所以我要盡快諗清楚....呢間公司應該可以提供到足夠ge空間去進修，大前提當然希望份工穩陣先la~

講番份工，自從照完肺後，我做每一樣野都穩陣左細心左，大佬我真係好驚你又郁我，到時邊到都唔使去。但自己真係有陰影導致到極重疑心，成日覺得背後幾個大野想踢我走，特別係臨近過probation....見到佢地密斟就覺得佢地係數緊我，呢個真係病態...仲好嚴重...好彩，上星期一有驚無險咁過左....之後個日又俾fanny捉左入房，又黎訓話式conversation (佢兩次都話自己係比較舊式的人，對佢請番黎ge人要求會嚴格d) 又再問我覺得自己岩做account.....我都仍然係咁答佢，但都又有話如果公司覺得我唔岩做account，我會尊重公司決定...我仲見到佢渣住個信封，我心諗..死了@@唔通計錯過probation日子????仲有佢其間講d野非好不壞咁，但佢只係想表達比我聽，要做好自己的本份....好彩最後封信係confirm letter黎~ 一天都光哂!!

過左probation，下個目標就係繼續為工作努力，我真係唔想又再冇左份工，同埋積極進修英文!!