前日...突然收到惡耗

我的二叔....在一單交通意外中...身亡了

"紅巴撞到綠巴司機"...肇事者正是他...

我是第一批到達現場的親屬..本只想著頂多是斷手斷腳，誰不知等到的消息是...見他最後一面

我不太傷心...只是覺得好突然..好無助....呢種前所未有ge感覺

看住各親友一個一個的到來，兄弟姊妹無不傷心，二嬸更是哭成淚人，呼天搶地，哭得肝腸寸斷，死去活來，此等誇張形容詞，完全可以在她身上體現...

以為真係睇電視先有.....點估到自己會面對呢種情況，真係好無助....亦黎得好突然....

icu...一條長長的走廊....睇戲就睇得多，當你試下真係親歷其景，是一種悲涼、死寂、徬徨無助的感覺

佢個仔，就係之前我講果個搞大人地個肚果個，其實是兩兄妹都唔生性，同老豆關係疏離，而家人都去左，想講多句都唔得....係咪好似做緊戲，戲如人生，呢句話唔錯得哂..

大家一面無奈，無奈得冇說話可以講....

第2天，大家都到達出事現場做路祭......成世仔都冇諗過，會經歷呢個情景...

個心越睇越酸......唉，早兩星期先仲見到佢....而家竟然陰陽相隔，我唔係好接受得到呢種突然...人生，就係如此化學...

2嬸哭得比前一天更厲害...確是聞者傷心....一個人連續地哭幾個鐘...兩天都是這樣，我估計唔到會有多累.....

沒有甚麼話再可以說了，唯有叫他一路好走....