今日約左4位小學同學去元朗踩單車入南生圍

分別係dicky，kaho，ellen+angel

踩入去果陣落左場過雲雨，搵d樹蔭避一避就ok

入左南生圍影左陣相，影影下見到好大舊黑雲殺到埋黎，於是拿拿聲走

...............但已經走唔切...踩踩下落超大雨，我好似好耐都冇見到有咁大ge雨

落到成身濕哂，好似沖涼咁，搵到大樹避一避，但見已經濕哂，避黎都冇用，於是細雨少少(但係之後發現冇細過)就繼續踩

我，d+k係男仔，自然想踩得快d去下個橋底避避，但點知後面d女仔就出事了，e炒左車，跌斷左鎖骨，要call白車，由於a都要陪e入院，我地3個男仔拖住5部單車....於是打電話番單車鋪叫佢地出車幫我地手...但由於落雨收得唔到，根本就聽唔到佢地講野，於是放棄，5個人一把傘，dup住超大雨咁等白車，受傷人士坐低左郁唔到，情景真係超悲涼....等車時見到有人有雨褸踩單車，d雨褸邊到黎架...而我地...就dup到好似沖涼咁樣...

原來唔只白車會黎，連警察d意外組都會黎埋落口供...

等白車車走佢地兩個，我地3個人拖5部車，好痛苦....好彩拖左幾百米有架車黎接應我地，佢話聽到我地講電話好大聲，但我地就聽唔到佢地講野，都好彩，如果唔係真係拖足幾公里先番到去

之後k車我地去買衫買拖鞋換，然後去醫院探e.....好彩只係跌斷左鎖骨...如果唔係我地真係難辭其疚...

仲有k今日真係黑上加黑，佢架私家車離開car park時，落斜陣刮到個車頭位爛哂...iphone又俾雨dup到聽唔到電話...由醫院走架車又必唔著....要周圍打電話求救....

於是大家都冇哂mood了，車番我同dicky番tw...拿拿聲食野就閃人了....dup左兩個鐘雨，頭痛....