晨早7點半典下典下咁起身，之前買左9點鐘火車飛上九份，所以要早起

由於要坐9個字先到，所以大家又攞部nds出黎對戰，但掛住打..打到過左站都唔知...不過過站咪搭番轉頭囉，但可惜下一個站係要搭多半粒鐘..真係太膠了....e半個鐘所經過ge地方多數係郊野ge地方，唉..真係真真正正ge郊遊...

純正ge青山緣水

半個鐘頭後..終於落到車...去到一個叫頭城ge地方..

同車咁岩有pair由南韓黎ge遊客又係同我地一樣過左站一齊膠遊...佢用英文聊我地講左幾句，呆等回頭車ge時候，我走去聊下佢地講野，順便練下英文，pan哥同ar foot冇輿趣，係後面hea，hea同埋hea..

   企係度個條友..就係我haha係度同兩件南韓人9up..

而家諗番起...e條友冇咩值得一提，大家ge對話實在係太無聊....無聊到好似pan哥所講ge"好似係度練緊ce ge oral"

等左半粒鐘..終於搭到回頭車返瑞芳站上九份..搭左半粒鐘..

經過商討，大家同意搭的士殺上去..先影左幾幅風景如畫ge靚相

其實上到黎都係買下手信咁，買麻薯，鳳梨蘇，其他吊飾做下手信等等，見到岩就埋冇留手咁滯...

行左個令後鐘搭的士落基隆食野..但我不幸地十年唔逢一潤咁暈車浪...orz..一家係落山ge路太彎了...

當搵到野食ge時候，行到熱死辣辣又暈陀陀..完全冇哂胃口...食得少少

係度飲左杯苦到爆ge檸檬紅茶，懷疑佢係冇落糖...

大家都累了，想搭的士返酒店，但我又驚暈車浪，結果行足半粒鐘過基隆車站搭火車，途經基隆港...

坐左番酒店又抖左陣，睇電視睇左套正戲，阿sir來自樂人谷，好好睇，又搞笑又夠高娛樂性

到7點幾又出過去，去左附近買鎖，因為唔見左個行李個鎖=口=...then又去附近開倉價買左兩件3，之後搭捷運去左台琥電大樓站..行過去師大夜市食野，食左胡椒餅同雞心，覺得e度個feel好過士林夜市wo~

接著食馳名ge牛老大刀削麵

但其實我覺得唔太岩我食...根本唔係我碗麵，不過出面買ge一杯檸檬茶就真係好好飲

食完搭左去市政府站就去左誠品買書

其實本來冇咩意欲黎ge，但黎左先發現原來d書又平又多款，結果買左5本書..

12點到返到去，沖個涼抖抖打陣nds，訓lu..

聽日就要走，成身hea念之際發現聽日就要返香港...捨不得...