琴日休息左一日，今日隻腳好左好多。今日番一點，企2樓.....今日全世界番齊，做得唔太辛苦，阿平今日都番埋早~~3點鐘開始，大部份時間都係行行企企，阿敏叫我教佢落單，點知搞出個大笑話，內容仲好不雅 ~~~今日舊同事阿英黎左食下午茶，阿明見到佢即刻同平時唔同哂，我仲成日借d椅"gut"下佢 ...

4點鐘落場，上左3樓食野，跟住休息，may姐又係度，阿明又上埋黎，大家傾下d愛情既話題，講講下may姐大爆自己既戀愛史，原來may姐都拍過6次拖，廿五歲同而家既老公結婚，佢老公追佢既過程真係好搞笑，佢用黎追may姐既電話費用左成2千幾蚊一個月 ，聽完may姐講野，我得到d啟發，追女仔最緊要7個字----膽大心細面皮厚!!!3樣野我又有幾多樣做到呢 ....我覺得may姐好幸福，背後有個咁錫佢既男人，又有仔女....如果我要成為一個能令女人幸福的男人，看來我要在各方面加倍努力了。

之後d女仔又上埋黎湊下熱鬧，大家又係度分享下戀愛觀點......女仔拍過幾多次拖都係一個秘密.....男仔點睇女仔，女仔又點睇男仔，我相信盤古初開時已經係一個好複雜既問題，而家傾得個個零鐘又點會有結論??

7點鐘又開工，係2樓企左半個鐘就上左3樓，正~~~3樓真係幾好架，又舒服，又冇王管，基本上d客9點零鐘到就唔上3樓，我就開始清理下欄，拖地....呢d其實係好舒服既工作，每次都拖長黎做，收工前先搞掂，番落2樓即刻打咭收工 ...

11點收工，kathy同阿娜去左飲野，我冇去，因為我要番歸睇曼聯，一路睇一路傾電話......yeah!!!win2:0~~~~

突然好唔捨得班同事.....可惜我做多3日就要走 ..