基本上這個暑假在沙嗲王係做侍應是我人生以來第一份工作，回想暑假初期，每天都在找工作，曾經面試6至7份工作，但是不受聘用就是不適合我....但其實是我的心態有問題，我就知道沙嗲王很易就請人，所以我想得到多些見工面試的經驗，輾轉來回一個月，才把心一橫到沙嗲王應徵做侍應，其實也是有點遲....

每份工作也有很多東西需要學習，做侍應也不例外，亦要忍受從基本做起的困擾心情，執台---->抹台--->執下欄--->傳菜---->落單.....樣樣都要遂步黎...."唔識傳菜唔俾落單"<-----言猶在耳...唔聽上級教導只會做多錯多.....但其實聽左都會做錯，只不過係比沒聽的少，所以就學識左兩樣對做侍應好重要既技巧(我覺得)-----"執生"同埋"偷雞"，做左個半月....打爛野，傳錯菜，落錯單，倒瀉野無日無之....但善後既速度要比"阿頭"發現得快.....俾佢jer住哂真係好q煩....總之佢發現唔到就得啦....

但其實做侍應都幾辛苦，見到佢地個個做到木口木面，意興欄柵，好多都有走既念頭，但其實有邊份工唔辛苦..?你頂得順咪得囉.....我就...唉，行到真係腳跛 .....做左個半月，已經走左6個人.....我check過我地班0靚仔最高資歷都不過係半年....orz...呢d都牽涉好多人事管理問題，不在其位，不謀其事，我都冇理咁多...但就聽到好多公司既野...呢個唔岩，0個個又唔著.....其實自己身在公司，點會判斷唔到誰是誰非呢??做得打工仔，就要忍氣吞聲架啦，所以我選擇左安份守己..多事並唔係好事。

做得雖然辛苦，但都算開心，又有班有趣同事，又學到野.....我都未試過過一個咁充實既暑假~~