7點幾就起身，8點落酒店飯廳食自助早餐，份量少，味道差，食煎雙蛋都要排隊，排我前頭果條女要攡6份俾佢果一台人，我無奈地黑面，之後有條仔走出黎叫佢攞住兩份先，條女都識做拎轉頭同我講聲唔好意思，咁我都禮尚往來同佢講聲唔緊要..(虛假的..)

食完早餐出發去賽車場，又要一粒鐘，聽聞今次係包場玩..已經預先分左3姐男一組女，我係4組之中最尾一組玩，等到他媽的頸也長了...等左幾輪終於到我地組ge free trial，架車渣上手..覺得好震，，同埋都幾用力，又唔係想像中咁好玩...因為玩左一陣發現組與組玩之間竟然有d街外人走入黎玩，原來經理收左d街下人入黎..搞到進度好慢，ryan話忍唔住有鬧過佢，所以成日係等多過玩

食完lunch開始排位賽，我抽中排第一，不過要睇住兩組男仔同一組女仔玩先，女仔比賽特別好睇，鬥得仲刺激同狼死過我地班男仔..成班男仔係場邊睇到大呼過癮~~到我果場，因為free trial渣熟左，所以最兕best lap time都快左5秒，總成績排8/15..

第2場排位賽，女仔果邊出左事，佢地唔識收放..唔識就住，結果有人架車反左...好彩都唔係好大件事，事主送左去醫院詳細檢查，之後果round到我..由於之前發生ed事，我都玩得唔太放，開波仲sin埋"車太"....

由11點玩到天黑咁滯，就係因為d街外客搞到冇哂時間，到最終回玩得好倉猝，我都未行哂12個lap都天黑了，太黑睇唔到賽道好危險..但女仔都仲未玩，無奈地ryan又俾佢地玩，女仔咪求其玩兩個圈就算囉...

最後頒獎，竟然eva同eddie各自係佢地果組攞第3，西利

之後太累了，回程返關口時訓左..then係關口食埋飯就返家了